Əbədiyə ətr

Əbədiyə ətr

Əmə sivı penc-şəş sore ki,ın təcrubəmon heste ki,bəpe çe milləti har qıləyni miyono qıləy vəhdət iyən ibemon mevcud bıbu və de ın vəhdət iyən ibemoni bərəkəti əmə dıjdə səbarzətiyonımon həm bə dast vardəmone.ımi kali co kişfəron nızneşone,nıdərəsin iyən hənuz həm faməşon ni.bə qıləy hırdə ixtilofi xoto ya bə ğovmi ya etnik ixitilofon xoto və ya hətto bə qıləy cuziyə ixitilofon xoto-çəvon kişfəron daxilədə eqıneydə,əvon bə iyande coni eqıneydən iyən iyande bənə dışmeni jeydən.çok,Mıtəolə-Xıdo ıştə neməti çımonku bəstəne.”Ələm təra ……qıləy zəmon Xıdovəndi qıləy nemətış əto kardə,fəzlış kardə,ənamış kardə,əmə nıznemone,əmə bəy şukr nıkardemone,bə ın neməti kufr kardemone,çok, Mıtəolə-Xıdo həm ıştə rəftori de ın miləti əvəz bəkarde.”Ləm yəku mığəyyirən ni`mətən….çanədə ki,mı iyən şımə rostə royədə hərəkət bıkəmon,mıstəğim iyən sərostə caddə və prospektədə hərəkət bıkəmon, ıştəni bə İlahi irodə əsos tətbiğ bıdəmon,-mumkin bıə həddədə -ısət vey komilə səviyyədə ki,əmə çın sıxanonəsə vey hırdimon-Mıtəolə-Xıdo ıştə neməti boəmə baği obəqəte.əmmo qıləy zəmon ki,ıştən-ıştəni xərob bıkəmon,əmə ıştən qıləy ixtilof icod bıkəmon,ıştən-bəştə ələyh suyi-ğəsd əncom bıdəmon, əmə de iyande çanq-bəyəxə bıbəmon,Mıtəolə-Xıdo ıştə neməti pebəqəte.Xıdovəndi de hiç kəsi qıləy ğohuməti rabitəş ni.”zalikə biənnəllahə….qıləy nemətış ki,bəşmə doə,Xıdovənd ın neməti şıməku nibəstəne tayinki,şımə ıştən zəminə xərob bıkon.zəminə xərob bıə zəmonədə nemət həm dastiku sey bəbe….

Fıtnə əhli meylışon heste ki,ıştə tarsi,ıştə xofi çe elitəon iyən xassə odəmon dılonədə çe Xıdo əvəzi bınıştovnon.yəni çəvon meylışon heste ki,çəvonku bıtarson.”əlləzinə ğalə…yəni ıme ki,əvon dayimi surətədə bəmə votedən:əğə! İnnənasə ğad cəməu….çəy cəvob ıme.”Fəğalu həsbunəllah və niməl-vəkil”.çəy nəticə həm ıme:”Fənğələbu binimətin…çın hisson,çın dərki,çın rufi iyən mənəvi həyğəti nəticə ıme ki:” Fənğələbu binimətin”….binobərin bəpe bə ın şucoəti malik bey lozıme.dışmen çandə nev koonku oko doydə.çandə nev fəoliyyəton kardedən.çəy umdə həm ımruj bəçımı qımoni əsos,çe dışmeni məkrinə-planon hədəf və məğsəd,elit iyən xususi odəmonin.əvon nıştedən qıləy plan kəşeydən ta çe xususi odəmon zehnon əvəz bıkon.bo mərdumi həm bəştə tərəf okırneyro.çunki,xususi odəmon təsir noydən iyən çe umum məxloği miyono qıləy nufuzışon heste.bəçımı nəzə əsos,çəmə iyən şımə ımruj əsliyə vəzifəonku qıləyni,həmine.əmə bəpe ıştə bəsirəti mıxtəlifə koonədə zumand bıkəmon iyən inşaalllah bəpe ıştə mustəmi iyən mıxotəbon  və məsəkəson ziyod kardey bızınəmon…

Bo təhəvvul iyən əvəzən icod kardero qıləy muhimmə şərt,çe dışmen iyən çəvon dışmenətiyonku nıtarseye.Mıtəolə-Xıdo bəştə pəyğombəri hamyedə ki,”Və təxşənnasə…bəpe mərdumiku tarsey nıbo. bəpe çəy iyən çımi sıxanonku tarsey nıbo.bilaxirin har qıləy mısbətə hərəkət,har qıləy muhimmə ko mumkine i hissə mıxolifonış həm bıbu.mıxolif,mıxolifət bəkarde.ımruj de virtual aləmi iştiroki çe mıxolifəton nevon həm əksərən yavə rəftor kardedən iyən əziyyət kardedən.ehyanə çoko ki,qıləy bə hisobi əsos zumand,səhih iyən muhimmə hərəkəti əsos əncom doey bıbu,bəpe ımon nəzədə qətey nıbu. De xarici dışmeni bəpe mılohizə kardey nıbu iyən əvoni nəzədə məqətəmon.harcurnə hərəkət ki, kişfərədə bə islohi səmt bıbu,çe dışmeniku qıləy hovujə cəbhə mevcude ki,ımon nıştən,dayima fik kardedən ki,qıləy zərbə bıjənon,həm aparati zəminədə,həm proqrami təminoti zəminədə.proqrami təminot həmone ki,ımon kişfəri dılədə muhim,dırıst iyən məntıği ğərolon qətey bıbu,de hovujə təbliğoton ki,hesteşone,bə sıvoli ji bardedən iyən de ın reklam imperiya ki,çe sehyonston dastədəy,ımi etosnon iyən məhf bıkon və çe miyoniku bıbardon.bəpe çımonku tarsey bıbo.bəpe hərəkət kardey bıbu. bəçımı nəzə əsos, çəy ro həm ıme ki,cıvonə ğıvvon bəpe iştirok bıkon.mılohizə nıkardə və nəzədə nıqətəkəson iyən nıtarsə kəson iyən mılohizə nıkardə holədə cıvonə ğıvvonin.(həlbəttə) cıvonə ğıvvon de həmonə formə ki,navko az ərzım kardə,çe cıvonə ğıvvon fikiku istifodə kardey iyən çe cıvonə ruhiyyəku oko doey və çe cıvonə ğıvvon hərəkəti holətiku iyən çəvon cəsorətiku istifodə kardey bıbu.nəyinki,ğeyri-cıvonə ehtiyoton və zəxirəon inkor kardey mənoədə.çəy şərt həm ıme ki,ın ko əncom doey nıbu…