Nəhcul-Bəlağə pand iyən hikməton

Nəhcul-Bəlağə pand iyən hikməton

Əmirəl-Muminin İmom Əli(ə) bə çəyku moyizə və nəsyət tələb kardə kəsi cəvobədə jıqoş hamye:”la təkun...yuğəssiru iza əmilə...(çə kəsonku məbi ki,)əməli zəmonədə səhlənkoəti kardedə iyən tələb və sıvoli vaxtədə isror kardedə”...

İslomə din bəmə omuteydə iyən təlim doydə ki,çanədə zumon vışkiyedə cokəsonku qıləy çi tələb nıkəmon və ıştə koon iyən məsuliyyəton bə cokəson ehdə mənəmon.jıqo əməlon çe insoni vırə və məğami bə tənəzzuli səmt bardedə iyən qahi zəmon bəçəy abru iyən izzəti və şərəfi ziyon rosneydə.ikəs ki,qıləy hurmət iyən ləyoğətış bıbu,hiçvaxti boştə kamə niyoz və ehtiyocon təmin kardero,cokəsonku qıləy çi xahiş nibəkarde və ıştəni çe cokəson palu hırd iyən zəlil nibəkarde.Həzrət İmom Məhəmməd Bağıriku(ə) omə rəsə qıləy kuto,əmmo de məno pur bıə hədisədə ə həzrət bəştə məxsusə səhobəonku qıləyni xitobən jıqo hamyedə:”Ehyanə sayil və tələbəkə kəs zınəşbe ki,çəy piyə çiyədə kom zıllət iyən həğorət heste,hiçkəs çe cokəsonku qıləy çi tələb niəkardi iyən əqər ikəs ki,qıləy doə dastış heste və zınəşbe baxşeşədə kom iftixor iyən fəzilət mevcude,hiçkəs çe cokəson təğaza və tələbi rədd niəkardi”.

Torıx pure de ibrətamizə dərson.əqər insoni qıləy vində çəş iyən məsə quşış bıəbe,ıştə ayəndə iyən omə tale və sərnıvışti çe torıxi ovəynə iyən çe zəmoni ibrətamizə hodisəonədə vindey bəzıne.əmmo adətən həvaye-nəfs və xudxahəti çe çəşon vədə qıləy pardə kəşeydə iyən bə torıxi nəticəon məsey mane beydə.həmməysə əcibə çi ıme ki,qahi vaxt əmə ın dərson bə cokəson doydəmon,əmmo ıştən bəvon əməl kardey koyədə hiç qıləy bəhrə və səmərəmon ni.

Nəhcul-Bəloğə çın hikməti barədə bıə şərhədə omə ki,İbn Əbbos ki,bəziyon əy çe Kərimə-Ğıroni təfsiri dədə və pı zıneydən-bəştə fərzəndi vəsiyyətədə çe Əmirəl-Muminin İmom Əli(ə) ın sıxanonış bəyon kardə və peşo votəşe:ın sıxanon bəpe botı bənə qıləy xəzinə bıbu və tı əy zəxirə iyən ehtiyot bıkə.tı çəy xandi kardey iyən oqəteyədə bəsə sıə telı və zəri nığo doey koysə veyə səy və cəhd bıkə.boçi ki,ehyanə bəy rioyət bıkoş,çe dınyo iyən axırəti xəy bətı nəsib bəbe.bərosti Əmirəl-Muminin Həzrət İmom Əli(ə) kəlom çanədə erjin iyən ro oj əkəy ki,çəyku fəğət iqlə kamə baxş çe insoni dınyo iyən axırəti səodət və xoşbaxtəti təzmin kardey bəzıne...