Əbədiyə ətr

Əbədiyə ətr

Çəmə kişfəri torıxədə dıqlə dıjd iyən mislış nıbə ko de İmomi(r) vəsilə iyən vositə real be iyən bə həyğət rəse:qıləyni çe irsiyə səltənəti zolımonə iyən beməxə bina dəparçıney ki,çandə həzo sor çəmə kişfərədə qıləy torıxış hestebe.ım kanə,pıxə iyən səhfə bina ki,çe kişfəri hukumət çə insonon dastədə be ki,irsi surətədə bə cokəson dast eqıneyəbe və ya de hərbi zu iyən şımşi  bə dast omeydəbe və peşo nəsl bə nəsl qıləyniku bə coqləyni dast eqıneyəbe və bə irs rəseydəbe,qıləy səhf iyən beməntığə ənənə be ki,çandə həzo soron dırozi çəmə məmləkətədə mevcud be.çe İmomi(r) iminə ko ım be ki,ım səhfə bina bırıjno iyən koy bə çın kişfəri mərdumi dasti dəspardo.

İmomi(r) əncom doə dıminə dıjdə ko,bə İslomi əsos qıləy hukumət iyən nizomi icod kardey be ki,ım həm nəyinki,çəmə kişfəri torıxədə,bəlkəm çe İslomə dini sədr və sıftə bədiqə çe kulli İslomi torıxədə mislış nıbə hodisə be.çəmə buzurquvorə İmomi(r) çın dıjdə cihodi jıqo qıləy erjinə məhsulış hestebe və liza vırəş heste həyğətən votey bıbu ki, ”Cahədə fillahi həğğə cihadih”.çoko ki,Ğıronədə mevcude və həmçinin çe dini evliya həxədə votey beydə,ın yolə merd həm çe “Cahədə....misdoğ iyən nımunəy......

İmomi(r) ağli nizom iyən sistem bə qıləy təfəkkuri,sosyal iyən siyosi məktəbi komilə xususiyyəton malik be.əvvəla bə qıləy dınyo vindemoni əsos be ki,ım dınyo vindemon çe tovhidiku iborət be.çə həzrəti həmmə fəoliyyəton və çə həzrəti qırd məntığ bə tovhidi əsos be ki,çe İslomə dini təfəkkuron həmmə əsliyə əsos iyən bınəy.çın fiki iyən zehni mənzumə və sistemi coqlə xususiyyət ki,əy çe kəlmə həyğiyə mənoədə bə qıləy məktəbi formə dənoydə,ıme ki,çe İmomi(r) fiki iyən zehni nizom tojə be.çe ironıjə camiyə iyən bəşəri cəmyəti mıbtəlo bıə məsələonku bəhs kardedəbe və mıxotobon həm əy hiss kardedəbin.İmomi(r) zehni məktəbədə de istibdodi ziddiyyət və de istikbori ziddiyyətiku sıxan votedəbe.ım həmonə çiye ki,İroni milləti həm əvış hiss karde,co mısılmonə mərdumi,bəlkəm ğeyri-mısılmonə milləton həm əvışon hiss karde.boçəy xoto be ki,həmonə dəvəti hovujətiş pəydo karde.çın fiki məktəbi coqlə xususiyyət çəy bəyjiyəti, dinamikəti,de hərəkəti purəti iyən operativəti bey be.bənə kali co əndişə,təfəkkur iyən teoriyə soybon nıbe ki,çe bəhsi dayirədə ğəşənq iyən çokə sıxanon jeydən,əmmo əməli meydonədə qıləy funksiyəşon ni.çe İmomi(r) məntığ,çe İmomi(r) fik,çe İmomi(r) ro,əməliyyoti iyən operativəti be.əməli məydonədə real bey imkonış hestebe.hejo bə həmonə dəlili xoto həm bə səbarzəti rəse.ın hərəkət,çəmə kişfri torıxi məsir iyən roş əvəz karde...

Mı çe İmomi(r) rəftori ulqu və modelədə çandə qılə xususiyyəti zikr kardedəm:

Əvvəla İmom(r) de dışmen iyən dışmenətiyon dimbədimədə qıləy fəol iyən şucoətinə rəftorış hestebe və qıləy zəyifə rəftorış nıbe.İmom(r) hiçvaxti passiv və ğeyri-fəol nıbe.nə zəyifəti hiss kardedəbe və nə ıştəku qıləy zəyifəti nışon doydəbe.çe dışmenon mığobilədə zumand iyən fəolə formədə mande.

Dıvvom:İmom(r) çe stress və həyəconiku bə diyəro be.İmom(r) çe hodisəon mığobilədə bə həyəconi dıço beydənıbe iyən bə ağliku xali bıə emosiyə iyən hisson təkyə kardedənıbe.İmomi(r) ğərolon,şucoətinə ğərolon de ğırs iyən ğoymə hisson bə ico be,əmmo bə ağli mıhosibəon əsos.

Sevvom:İmom(r) bə iminə dərəcə koon rioyət kardedəbe.çə həzrəti təmərkuz bəsə prioriteton və iminə dərəcə koonsə be.şımə fərz bıkənən ki,mıborizəon devronədə de səltənəti rejimi bıə mıborizə çe İmomi(r) iminə dərəcə ko be və kəno məsələon bəştə ko məydoni daxil kardedənıbe.

Çominə xıslət:bə mərdumi ğabiliyyəton etımod kardey be.İmom(r) İroni milləti qıləy yol,aqah iyən zumandə millət zıneydəbe,bəvon etımod kardedəbe,bəvon xoşbin be.məxsusən həm bə cıvonon.

Pencminə xıslət:bə dışmeni etımod nıkardey:İmom(r) da sori dırozi ıştə de bərəkəti pur bıə huzur iyən iştiroki zəmonədə çe İslomi nizomi sədə iləzə həm bə dışmeni etımodış nıkarde.

Şəşminə xıslət:bo milləti həmrayəti iyən vəhdətiro səyon:ın həm çe İmom(r) çın dışmenətiyon mığobilədə bıə rəftori ulqu xusuiyyətonku qıləyni be.

Haftminə xıslət:bə İlahi imdodon iyən bə İlahi və`dəon qıləy ğoymə imon iyən etığod:ın həm çe İmomi(r) bə İlahi imdodon bıə təkyə və peştıpuri həmonə əsliyə noxtə be.ə həzrət deştə qırd səyon və deştə həmmə vucudi məydonədə be.əmmo çə həzrəti bə İlahi nusrət iyən ğudrəti qıləy umuş hestebe və bə İlahi ğudrəti təkyə kardedəbe.

İmomi(r) bə İlahi imdodon təkyə kardey usulonku qıləyni,bə İlahi və`dəon rostəvıjəti bıə etımod be iyən çımi mığobil noxtə bə dınyo mıstəkbir iyən zu tətbiğ kardə ğudrəton be etımodəti be.ın çe İmomi(r) məktəbi cuzonku qıləyni be.bə İlahi ğudrəti peştıpurəti.Mıtəolə-Xıdo və`dəş odə bə muminon və əkəson ki,bə ın və`dəon bovəşon ni çe Xıdovəndi kəlomədə bəvon nəhlət kardey bıə:”Və ləənəhumullah və ğəzibə ələyhim.ə kəson ki,”Əzzanninə billəhi zənnəs-səovi.....”.bə İlahi və`dəon etığod,bə İlahi və`dəon rostəvıjəti bovə ki,hamyəşe:”İn tənsurullah yənsurkum”-çəmə buzurquvorə İmomi(r) təfəkkuri sutunonku qıləyniye.bəpe bə ın və`dəon əmə etımod bıkəmon iyən xotırcəm bıbəmon. mığobil noxtə bə dınyo ğudrəton,imperiyaliston və bə dışmenon dıl nıdəvasteye və mıtləğə şikilədə bəpe bəvon etımod məkəmon.ım həm çe İmomi(r) əmələdə,çe İmomi(r) rəftorədə və çe İmomi(r) bəyonotonədə komilə surətədə məlum be.çə həzrəti ın bə pərvərdıqori ğudrəti etımod iyən peştıpurəti səbəb be ki,buzurquvorə İmom(r) ıştə inğılobi mevğeyədə de ğətiyyəti mande.İmom(r) de ğətiyyəti sehbət kardedəbe.ıştə etığod kardə çiyon de ğətiyyəti bəyon kardedəbe.çunki,bə Xıdo peştıpur be,nəyinki,zıneydənıbe bə ğudrəton xoş omeydəni,nəyinki,zıneydənıbe əvon əsəbi beydən.zıneydəbe,əmmo bə bə İlahi ğudrəti,bə İlahi imdodi iyən bə İlahi ğələbə bovəş hestebe.