Əbədiyə ətr
Əbədiyə ətr
Həcc fəğət bəmə İronıjon ayid ni.Həcc bə İslomi və bə İslomi umməti məxsuse.çe İslomi dəvomi zamine. Həcci manqon ehtırom ki,Mıtəolə-Xıdo bo Həcci manqon qıləy ehtırom ğayile.hətto zəmoni həm ehtıromış heste,məkoni həm ehtıromış heste-ımi nışon doydə ki,ın dıjdə əməliyyot çanədə təsirine.ımon ımi nışon doydə ki,ın fərizə bə İslomi umməti nisbətədə qıləy xususiyyətış heste ki,co hiç qıləy fərizə və vociboti jıqo qıləy xususiyyətış ni.bəpe bımi dığğət kardey bıbu...
Odəmi dığğəti cəlbəkə çi ıme ki,Həcci mərosim dıqlə tafutin iyən təkmiləkə prosedure.iqlə prosedur fərdi və coqləyni iştimoyi.bəpe bə har dıqlə rioyət iyən dığğət kardey bıbu.fərdi prosedura bə həmmə hociyon ayide.hociyonku har qıləyni bın zəmoni ləzə və anonədə-çın Həcci iyən Umrə mərosimi anonədə ıştəni bəpe bə Mıtəolə-Xıdo anqıl bıjənon,istiğfor bıkon,boştə qıləy azuğə hozzıkon.bə Həcci mərosimi ayid Kərimə-Ğıroni ayənədə bətəğvo tevsiyə kardey bıə:”Və təzəvvədu...mehtərəmə hociyonku har qıləyni ki,ın dıjdə nemət bəvon nəsib beydə, bəpe bın fikədə bıbo ki,ıştə zərf iyən ğabi pur bıkon.ıştə şələ-kulə pur bıkon:”Və ənistəğfiru rəbbəkum-istiğfor bıkon,inobə bıkon,dıvo bıkon,Mıtəolə-Xıdoku tələbkon.Mıtəolə-Xıdo mığobilədə təəhhud bıkon ki,boştə ayəndə, boştə jimoni iyən boştə fəoliyyəton.ım ko fərdiye...
Həcci bın fərdi prosedur iyən şivədə har qıləy hoci həyğətədə,de ın hərəkəti,de ın səfə,bəpe ıştəni bə Xıdo nez bıko,bəpe ıştəni pok bıko,bəpe boştə əmandə umri qıləy azuğə cəm bıko.bın səfədə,bın əmələdə,bın əyyomədə bo fərdi qıləy bərəkot iyən mənəviyyoti sərçeşmə heste.hociyon bəpe çımi ğədri bızınon.bo qıləy fərdi qıləy çiyon mevcude ki, fəğət bın səfədə real beydə iyən bə həyğət rəseydə.kəbə kə mışohidə kardey ibodəte,Məscidul-Həromədə nımoj votey ibodəte,Mıkərrəmə-Nəbiyy(s) ğəbi ziyorət kardey ibodəte,Ərəfoti ərsədə de Xıdo mınocot kardey,Məşəri ərsədə bə pərvərdıqori dığğət kardeye.Mina həmonə formədə.qırd çın əməlonku hoci bəpe boştə botıni pok kardero çok-çoki istifodə bıko,boştə dərəcəon ali beyro,ıştə qırd umri dırozi boştə zəxirə iyən ehtiyoton hozzı kardero.ım,çe Həcci fərdi cəhətone...
Coqıləyni prosedur iyən şivə,iştimoyi şivəy.Həcc çe İslomi vəhdəti simvole.mıxtəlifə ranqon,mıxtəlifə puston,mıxtəlifə milləton,mıxtəlifə pasporton,mıxtəlifə məzhəbon iyən həmmə mıxtəlifə zevğon çe iyande kəno və bənə iyande mandən.həmməkəson bahəm təvof kardedən,bə ico səy kardedən,ivırədə Ərəfoti səhroədə iyən Məşərədə vuğuf kardedən.ın vəhdət vey muhimmə çiye.İslomi həmdıləti,çe həmdıləti həyğiyə məzhər iyən həmzıvonəti Həccədəy. nəyinki,fəğət bo İroni millətiro,bəlkəm bo qırd mısılmonə mərdumi,bo İslomi umməti.Xıdo nəhlət bə kəsi bıbu ki,səyışon karde çe İslomi umməti həyğətış,çe İslomi umməti əhəmiyyətış çe zehnonku bə diyəro kardedə. Mısılmonon bə mıxtəlifə sinf iyən təbəğon,bə mıxtəlifə ənqizə iyən motivon təğsım kardedən.milləton çe İslomi umməti əzəməti mığobilədə dıjd bıkon.milləton çe iyandeyku co bıkon.qıləy holədə ki,İslomi ummət muhimme, əzəmət bə İslomi umməti məxsuse.Mıtəolə-Xıdo ıştə rəhməti bə İslomi umməti peyo nozil kardedə.Həcc çe İslomi umməti təşkili məzhəre.mışt çe xəlvori nımunəy.”Min kulli fəccin əmiğ.həmmə coonku,diyəroə vıronku,mısılmonon çe iyande kəno cəm beydən və kom qıləy dıjdə fırsəte ki,əvon de iyande sıxan bıvoton,de iyande həmdıləti bıkon, de iyande dardı-dıl bıkon,de iyande həmdardəti izhor bıkon.ğərəz Həcci mərosimi həni jıqo vaxt komco bey bəzıne? Çe Həcci iştimoyi cəhətonku qıləyni vəhdəti məsələy...
Həcci mərosimi iştimoyi cəhətonku qıləyni çe ibemon iyən vəhdəti məsələy.co iştimoyi cəhətonku qıləyni çe İslomi umməti əzəməti nışon doeye.ısət çandə milyon inson qıləy mıəyyənə vırədə cəm beydən,ım çe İslomi umməti iconəti nışon doydə.iqlə hafto-həşto milyonə kişfəriku,fərz bıkənən penco həzo nəfər,şest həzo nəfər,hafto həzo nəfər,iştirok kardedən və ım bıə.ım,çe İslomi umməti əzəməti nışon doydə.coqlə cəhət de iyande ıştə təcrubəon təbadul iyən mıbodilə kardeye.İslomi kişfəron veyni qıləy təcrubəonışon heste.fərz bıkənən İroni milləti de dışmeni dimbədim omeyədə qıləy təcrubəş heste,dışmeni zıney iyən məlum kardeyədə,bə dışmeni etlmod nıkardeyədə, dışmeni çe dustiku co kardeyədə,çəmə qıləy təcrubəmon heste.əmə dışmeni çe dustiku co kardeyədə bə qıləy səhfi dıço bıənimon.çe inğılobi sıftəku de tobə ısət faməmone iyən zınəmone ki,həyğiyə dışmen,inodkor iyən kəcbəsə dışmen,çe qlobal istikbor iyən imperiyaliston və çe sehyonistonku iborəte.əmə ımımon famə.qahi zəmon həmonə əsos iyən həyğiyə dışmen,ıştə sıxanış çe cokəson zıvoniku votəşe:əmə bə xəto dıço bıənimon bımədə ki, xəyol bıkəmon dışmen ıme.ne,ğəti formədə votemone ki,dışmen istikbore.
