Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət İmom Əli(ə) Nəhcul-Bəloğə 151-ə hikmətədə bə qıləy muhimmə nuktə işorə kardedə ki, fərdonku veyni çəyku ğafilin və əv həm ıme ki,çe har qıləy ko qıləy ağıbətış heste.Ə həzrət jıqo hamyedə: ”Likullimriyin...Bo harkəsi qıləy ağıbət heste,şin ya tel”...
Xıdovənd hejo çə həmonə sıftəku bə insoni ağlış doə ta ıştə koy oxo həxədə fik-famko və boştə qıləy şinə ağıbət bə əməl biyo.xeyə ağıbəti əsliyə roonku qıləyni,xırədmandəti iyən ağılmandətiye.rəvoyətədə omə ki,”hakəs ağılmand bıbo,çokə ağıbətış bəbe iyən çe vəhışti əhl bəbe”.həmçinin Mulki mıborəkə surə 10-ə şərifə ayədə çe cəhəndımi əhli zıvoniku votedə:”ehyanə əmə fik-fam iyən əndişəmon kardəbe,hiçvaxti çe cəhəndımi əhliku nıəbimon”.
İnson har qıləy royədə ki,ğədəm noydə,qıləy oxoş heste.inson bın dınyoədə de ziyodə etat-petaton dimbədim omeydə və qahi zəmon çəy holon əvəz beydə.əmmo çe insoni jimoni həmməysə həssosə ləzə və an,çəy oxonə ləzone ki,çəy umr bə oxo rəseydə.həmonə anon ki,çəy uxrəvi həyotədə qıləy təyinəkə rol ifo kardedə.
Harkəsi xeyə ağıbət və şərə ağıbət bey həyğət,çəy umri oxoyədə məlum beydə.həmməysə hərəbaxtə şəxs ə kəse ki,çəy koon oxo de xoşbəxtəti bə ico bıbu iyən həmməysə bədbəxtə şəxs ə kəse ki,çəy oxo və ağıbət de teləti və bədbəxtəti bə ico bıbu.insoni ıştə çok ya bədə ağıbətədə qıləy rolış heste.əqər deştə ağli koməqi,əv sıratəl-mustəğim və həxə dayirə bıvıjno,bə xeyə ağıbəti bərəse.əmmo əqər əv,rasiyonaləti və xırədi və ağli bə kəno bıno və bə İlahi ənbiyaon təlimon dığğət nıko,navədə əy qıləy yavə ağıbət çəş kardedə....
