Əbədiyə ətr
Əbədiyə ətr
İslomi kişfəron ımruj de məkrinə planon dimbədimin.əvon ımi famedən ya ne?.ımruj nəyin ki,bə İroni ələyh,nəyin ki, bə şiyə ələyh və nəyin ki,bə fulon məxsusə məzhəbi ələyh.bəlkəm bə İslomi ələyh məkrinə planon kəşeydən.çun ki, Ğıron bə İslomi kişfəron məxsuse.həmonə mərkəz ki,fəryod jeydə:”Lən yəcələllahu...ki,təşəyyu ni.ım Ğırone.əv İslome.liza deəy mıxolifin.de har qıləy mərkəzi və de har qıləy sədo ki,milləton oğo kardedə,mıxolifin.de har qıləy dasti ki,de istikbori mıborizə bardedə,mıxolifin.həmonə dast çe İslomi daste və həmonə sədo çe İslomi sədoye.liza de İslomi mıxolifin.çəvon de İslomi bıə rəftori şivə iyən de İslomi bıə dışmenəti şivə nevbəneve.nıştedən,çandə nev fik kardedən və qıləy ro pəydo kardedən bo nufuz kardey bo zərbə jeyro.İslomi İnğılobi səbarzəti sıftənə soron be ki,əmə məlumotımon pəydo karde ki,sehyonist rejimi qıləy cəmyətış mıəyyən kardə və bəvonış pul doə ki,bınışton bə İslomi iyən bə şiyə ayid mıtoliyə və bərrəsi bıkon.çok,ın mıtoliyə boçiye? ın mıtoliyə boçəy xotoye ki,bıvindon çın dıjdə amili,çın oğoəti və çın İslomi aqahəti vəy çokonə bıqəton?.çokonə bıə ki,oğo bıə mısılmonə milləton famən ki, zuşon heste,dərəsən ki,bo zərbə jeyro ko kardey bəzıneyn.nıştən çanədə pulışon xarc kardə.çımı votəyon i qıləyniye.çəvon çandə da qılə mərkəzonku çımı xəbəm heste.kali qıləyniyon həm təxmin kardedəm-avropə, amerkədə,sehyonst rejimədə və bəzi vobastə bıə kişfəronədə və çımon fərmoni jiyədə bə əməl omən.boçəy xotoye ki,bıvindon kom roon heste?....
Pəyğombər boçəy xoto məbus be ki,bə mərdumi təlim bıdo iyən əvoni təzkiyə bıko:”Yuəllimuhumul...və ya coqlə vırədə “Yuzəkkihim.....bəpe insonon həm təlim bıvindon iyən həm təzkiyə və pok bıbon ta ın zəmini kurə iyən ın bəşəri dıjdə camiyə bənə qıləy solimə xıyzoni çe kəmoli royku dəvardon və çın aləmi xəyronku qıləy bəhrə bıbon.çe həmmə nubuvvət iyən besəton hədəf ıme.ənbiyaku har qıləyni bə nıbuvvət məbus bıən,ın çe təlim iyən tərbiyə dıjdə hərəkətışon tosə zəmoni icozə doə imkonaton həddi bənav bardəşone.əmmo oxonə din iyən oxonə pəyğombər bəpe ın İlahi dıjdə hərəkəti bə əbədiyyəti səmt bardənin be....
In nuktə bəpe əmə nəzədə bıqətəmon iyən dığğətkəmon ki,Əmirəlmuminini(ə)siyosi suluk və şivə çəy mənəvi iyən əxloği sulukiku co ni.Əmirəlmuminini(ə)siyosət həm de mənəviyyoti omuj qıniyə və həmən de əxloği omuj qıniyə. əslən çe Əli(ə) mənəviyyot iyən əxloğiku nəşətış seyə.ehyanə siyosət çe əxloğiku sərçeşmə peqəto,çe mənəviyyotiku sirov bıbu,bo de siyosəti dimbədim omə mərdumiro çe kəmoli vəsiləy,çe vəhışti roye.əmmo əqər siyosət çe əxloğiku co bıbo,çe mənəviyyotiku co bıbo,bın zəmon siyosət de hiylə omuj bəqıniye.bo ğudrəti kəsb kardero qıləy vositə bəbe,ısət de har qıləy ğıyməti həm bıbo.bo sərvəti kəsb kardero,boştə dınyoədə bıə koon bənav bardero bıə siyosət ofot və bəlo bəbe.bo siyosətçi həm bəloe,bo mərdumi həm çəvon jimoni ərsədə çın siyosətiku oko doey bıbu,ofot və bəlo bəbe...
