Əbədiyə ətr

Əbədiyə ətr

Bə ın hestemoni aləmi,bə ın vucudi aləmi,qıləy ğanunon hakime ki,maddə əhl və materiyaliston həmonə ğanunon zıneydənin və həmonə ğanunon vindedənin.:”Sunnətəllah...Xıdo sınnət və adət yəni İlahi ğanunon.vucudi aləmədə qıləy ğanunon mevcude.ın dıjdə hestemoni aləmi həmmə vıronədə ğanunon heste.ın ğanunon bənə təbiyi ğanunon,bənə cozibə ğanunon,bənə astovəon ğanunon və həşi ğanunon iyən ovşumi ğanunon və şəvı-ruji ərzədə ovşum iyən həşi şey-omey,ımon ğanunonin.ımon təbiyi ğanunonin.bın formədə insoni camiyədə həm ğanunon mevcude.maddə əhl və materiyaliston deştə zəyifə çəşon ın ğanunon dərk kardey zıneydənin,əmmo mevcude.çok, qıləy zəmon ki,əmə çın ğanunon zəminə deştə daston hozzıkəmon,Mıtəolə-Xıdo ğanunon sabitə ğanunonin.otəşi sutuney ğabiliyyətış heste,bəpe şımə zəminə hozzı bıkon,otəşi bıvoşnənən,tar nıbə cismi çe otəşi peyo peqətənən, otəş dəbəqəte.zəminə hozzıkənən.təbiyi ğanunon ıştə koon bəkardeyn.bəpe zəminə hozzı kardey bıbu.İroni milləti ın zəminəş hozzı karde.çəmə yolon ın sıxanonışon votə,Ğıroni həm çandə kərə tikrorış kardə.həm çe Məsumə-İmomon(ə) kəlməonədə və həmən çe Xıdo-Rəsuli(s) kəlməonədə ımon mevcude.”Fələmma...Əmirəl-Muminin Həzrət İmom Əli(ə) Nəhcul-Bəloğədə hamyedə:sadığonə formədə bə məydon daxil bıbən,bəsə poysə bımandənən, Mıtəolə-Xıdo şımə dışmenon məhf bəkarde və bəşmə imdod bəkarde...

Bo qıləy pəyğombəri kom qıləy dıjdə renc və əziyyəte,bə Xıdo səmt vanq jeyə qıləy vayiz,de ın həmmə zəhməton i dastə odəmi bə Xıdo roy səmt səbəro bıko və bımon imon təlğin bıko,peşo çımonku idastə de qlıəy cuziyə çi imoniku oqardon ki,Ğıronədə mevcude:”Və əlğa əlvahə...həzrəti ın vəzyətış ki,vinde,de şiddəti ğıyzin,norohət iyən  təəssıfin be ki,Ğıronədə minimum dıqlə vırədə bə ın mevzu işorə kardey bıə ki,”La təkunu kəlləzinə...çe bəni-israyili bə Həzrət Mosə(ə) doə əziyyəton iyo zikr bıə:iqlə co həm Səffi mıborəkə surədə ki”Ğalə Mosə...ın ımi nışon doydə ki,bəni-israyili bə Həzrət Mosə(ə) doə əzob-əziyyəton xəyli dıjd bıən.ım da şəv çı torıxi muhimmə hodisəonku qıləy xotırəonin iyən bəmə nışon doydə ki,həxə royədə hərəkət de bənə Həzrət Mosə(ə) mecuzəon bə ico çanədə muşkilotonış heste və çokonə bəpe de ın problemon dimbədim omey bıbu və səbr kardey bıbu ki,ım qıləy xotırəy.

Peşo Ərəfə ruji məsələy ki,dıvo ruje,təvəssıli ruje iyən bə Xıdo dığğəti ovce ki,çe Həzrət İmom Sadığiku(ə) omə rəsə qıləy rəvoyətədə nəğl bıə ki,ə həzrəti jıqoş hamyə ki,çımı pı yəni Həzrət İmom Bağır(ə) Ərəfə ruji çəvrə qamə həvosotədə rujə qəteydəbin-ki,yəğın ki,əv nəzriyə rujə bıə və dıvo handedəbin iyən təzərru kardedəbin və bəmeydəbin həmonə qamə həvoədə.İmom Huseyn(ə) həm ki,çok məlume və Səyfəye-Səccodiyyə həm ki,vey mehtəşəme.ımon bə Ərəfə ruji ayide.umudəvom ki,çəmə əzizə millət zinə ruj ki,Ərəfə ruj be,veyə həzzışon bardə və inşaallah şımə həmmə dıvon ğəbul bıbu...

Həzrət Mosə(ə) kəşə renc iyən əziyyəton bın xotrıəonədə ruşine.çok,Həzrət Mosə(ə) Misrədə ziyodə zəhmətonış kəşə.de fironi canq kardey iyən əcib-ğəribə muşkiloton ki,çe Mədyəniku dəvardey bəpeştə tosə çe Misriku xaric bey bo ın buzurquvorə şəxsi bə əməl ome-de fironi rabitədə,de bəni-israyili rabitədə,de sahiron rabitədə və de cokəson rabitədə-və peşo həmonə dıjdə mecuzə ki,bə əməl ome,ki,dıyo poə be və çe bəni-israyili dışmenon ki,deştə qırd ğıvvon çəvon çəşon mığobilədə eşin,şin.çok,ım həni bəpe bəni-israyilədə qıləy sabitə imon icod kardənin be.əmmo ın cur nıbe.əvvəl ıme ki,”İcəl ləna....ki,əvon çe bıtpərəstəti,şırk iyən bənə ımi bıə çiyon dumo bin və çəvon dılonədə bo bıtpərəstəti qıləy həvəs hestebe.ım,çe koy sıftə be.peşo həm ki,çe poynə ğəziyyə və məsələ be ki,ım zohirən bə həmonə çıl ruji ayide ki,ın buzurquvorə şəxs çe miğotiku oqarde və vindeşe ki,vəzyət əvəz bıə iyən mərdum oqardən...