Əbədiyə ətr
Əbədiyə ətr
Həzrət Ayətullah Xameneyi:Amerkəvıjon bəpe bızınon ki,İroni millət təslim nibəbe və çəvon harcurnə hərbi mıdoxilə de əvəz benışə ziyonon bəico bəbe.şımə çe təhdidiku tarsə kəsi təhdidkənən.
İslomi İnğılobi Yolə Rəhbər zinə çoştəvoni qıləy televiziyə mesajədə çe dışmenə sehyonisti oxonə beməxə iyən xəbisə hucumi vədə çe İroni mərdumi mətonətin,şucoətin iyən vaxtəzınə rəftorış çe milləti ruşd,rasiyonaləti və mənəviyyoti zu nışonəş zıne və təkidış karde:İroni mərdum çe tətbiğ (təhmili) kardə bıə canqi mığobilədə mandin iyən çe tətbiğ kardə bıə sulhi vədə mehkəm bəmandeyn və ın mərdum çe təhmili vədə bə hiçkəsi təslim nibəbeyn.
Həzrət Ayətullah Xameneyi həmçinin de bə amerkə prezdenti beməxə iyən təhdidamizə sıxanon işorə kardey elonış karde:xırədmandə fərdon ki,İron iyən İroni milləti zıneydən,hiçvaxti de ın mərdumi de təhdidi zıvoni sıxan kardey əzıni.zira İroni millət təslim bıənin ni iyən və amerkəvıjon bəpe bızınon ki,çəvon harcurnə hərbi mıdoxilə de əvəz benışə ziyonon bəico bəbe.
İnğılobi Yolə Rəhbər ıştə sıxanon sıftədə de İroni milləti Ğədir-Xumi ruji dıjdə şemon və oxonə qırdbemonədə bıə dıjdə hərəkət,məxsusən de Cımə nımojədə bıə hərəkəti tarif kardey və çe dışmeni həmlə mığobilədə çe televiziya bərnomə bardə xanımi de məno pur bıə hərəkətış,qıləy ğəşənqə hərəkətış zıne və əlovəşon karde:təkbir votey və çe İroni milləti ğudrəti bə qırd dınyo nışon doey,qıləy torıxi iyən vey erjinə hodisə be.
Həzrət Ayətullah Xameneyi de bə sehyonsit rejimi oxonə beməxə iyən xəbisə hucumi zəmoni işorə kardey şərayiti ki,bəvədə bə əməl ome, əlovəşon karde:ın hodisə qıləy zəmon bə əməl ome ki,çəmə məsul şəxson de amerkə ğeyri-sərostə mızokirə koy məşğul bin və çe İroni tərəfiku hiç qıləy tındə hərəkət və nışonə nıbe.
Ə Həzrəti təkidış karde:həlbəttə,sıftədə təxmin kardey beydəbe ki,amerkə çe sehyonsit rejimi xəbisə hərəkətədə qıləy mıdoxiləş zıne ki,de amerkə rəsmiyon oxonə sıxanon,ın spekulyasiyə rujbəruj zumand beydə.
İnğılobi Yolə Rəhbər təkidış karde ki,İroni millət çe tətbiğ(təhmili) kardə bıə canqi mığobilədə ğoym mandin iyən çe tətbiğ kardə bıə sulhi mehkəm bəmandeyn və voteşone:mı çe fiki soybon iyən ğələmi xıvandon və məxsusən de dınyo iştimoyi fiki əloğədor intizorım heste ki,ın mənon iyən məfhumon bəyon bıkon və icozə nıdon ki,dışmen deştə məkrinə propaqandə həyğəton bərəks cilvə bıdon.
Həzrət Ayətullah Xameneyi təkidış karde ki,dışmenə sehyoniston bə qıləy dıjdə səfi dıço bıən və bə yodoşon dənoe:dışmenə sehyoniston bəpe bə cəzo rosney bıbu və ısət cəzo vində holədəy və qıləy cəzo ki,İroni millət iyən Silohinə Ğıvvon bo ın xəbisə dışmeni əncom doydən və əncom doə holədən və çəvon bo ayəndə həm qıləy planışon heste və ın cəzo qıləy saxtə cəzoe və əvonış bə zəyfətiş dıço kardə.
Ə Həzrəti təkidış karde:ısət ki,çəvon amerkəvıjə duston bə səhnə daxil bıən,çe sehyonist rejimi ocizəti iyən zəyfəti nışonəy.
İnğılobi Yolə Rəhbər həmçinin de bə amerkə prezdenti beməxə iyən təhdidamizə sıxanon işorə kardey elonış karde:amerkə prezdent qıləy ğəbul bıənin nıbə sıxanədə oşko çe İroni millətiku tələb kardedə ki,təslim bıbon.əmmo əmə bəvon votedəmon ki,əvvəla təhdidi bo ə kəson əncom bıdənən ki,çe təhdidiku tarseydən.və holın ki,İroni milləti bə ın şərifə ayəş bovə heste ki,hamyedə:”Vəla təhinu....və təhdid hiçvaxti çe İroni mərdumi rəftor iyən əndişədə təsir noydəni.
Həzrət Ayətullah Xameneyi voteşone:saniyən bə İroni milləti boənən təslim bıbənən ın sıxani votey,qıləy ağılmandə sıxan ni və xırədmandə fərdon ki,de İroni mərdumi torıxi oşnon,hiçvaxti jıqo qıləy sıxani bəştə zıvoni cari nibəkarde.zira İroni millət təslim nibəbe və bə hiçkəsi təərruzi təslim nibəbe.
Ə Həzrəti bə yodış varde ki,amerkəvıjon və ə kəson ki,de ın məntəğə siyosəton oşnoye,zıneydən ki,çe amerkə bə ın məsələ daxil bey,bəçəy zərəli bəbe və qıləy zərbə bəharde.qıləy zərbə ki,çəy ziyonon bə İroni daxil bıə zərəlonsə vey barzə formədə bəbe.
İnğılobi Yolə Rəhbər elonışon karde:amerkə bə meydoni hərbi mıdoxilə,beşək boəvon qıləy kompensasiyə nıbə ziyonon bəvarde.
Həzrət Ayətullah Xameneyi bə İroni əzizə milləti ijən tevsiyə kardə holədə bə ın şərifə ayəşon işorə karde:”Vəla təhinu... və bə yodışon dənoe: bəştə jimoni de zumandəti dəvom bıdənən.məxsusən ə kəson ki,xıdməti koon bəçəvon ehdəy və de mərdumi koşon heste və ə kəson ki,təbliği iyən təbyini koon bəçəvon ehdəy,bəpe ıştə koon de zumandəti dəvom bıdon və bə Mıtəolə-Xıdo təvəkkul bıkon ki,”Vənnəsru
Ə Həzrəti təkidış karde:Mıtəolə-Xıdo İroni milləti iyən həyğət və həxı ğəti iyən yəğınə formədə səbarz bəkarde.
