Nəhcul-Bəlağə pand iyən hikməton

Nəhcul-Bəlağə pand iyən hikməton

Təsəvvır bıkənən qıləy reçinə maştəvoni vaxt omə rəsə,həşi pemə və çəy nuri həmmə vıronış dəqətə.əmmo şımə ıştə çəşonon bastə.aya bın holətədə şımə qıləy ruşinəti hiss kardedon?ne.ısət fərzkənən həyğət bənə həmonə sıbi zəmoniye ki,şımə vədə mandə,əmmo şımə bə qıləy bəsirəti malik nıbey dəlili xoto,çəy dərkiku ociziyon.iyoe ki,”dıqlə vində çəşon”məno pəydo kardedə.ğasbu ın dıqlə çəşon çe ağl iyən ğəlbiku qıləy kinoyə bıbu:ağl ki,təhlil kardedə və dıl ki,de imon iyən hisson həyğəton ləms kardedən.qıləy zəmon ki,ın dıqlə de iyande həmohənq bıbu,inson çe hidoyəti nuri bıvindo iyən çe zəlolətiku perəxo.

Kərimə-Ğıronədə həm çın məfhumiku qıləy nışonəon heste.joqo ki,Mayidə mıborəkə surə 15-ə şərifə ayədə hamyedə:”Ğad Caəkum...Xıdovəndi səmtiku boşmə qıləy nur iyən ruşinəkə kitob omə”.iyo Ğıron bənə nuri unvoni tevsif kardey bıə.həmçinin Əhzobi mıborəkə surə 46-ə şərifə ayədə bə Pəyğombəre-Əkrəmi(s)”Siracən-Munira” yəni qıləy ruşinəkə ço nomi nom noey iyən zikr kardey bıə.