Əbədiyə ətr
Əbədiyə ətr
İnsoni əncom doə qınon,ın mıxtəlifə məsiyəton,ım çe şəhvətpərəstəti iyən dınyotəlbətiku nəşət seyə və bə dınyo moli tamə iyən hərisəti və bə dınyo məğami dəçıkey və bə odəmi dastədə mevcud bıə çiyon pəxıləti kardey və həmçinin həsəd iyən ğəzəb,ğətiyə surətədə bə insoni vucudi dıqlə təsir noydə:iqləyni mənəviyə təsire ki,rufi çe ruhoniyyətiku eğandedə,çe nuroniyyətiku xaric kardedə.mənəviyyoti insonədə zəyif kardedə və İlahi rəhməti roy bə insoni dimi dəvastedə.coqlə təsir ıme ki,iştimoyi mıborizəon səhnədə,həmonə vırə ki,çe jimoni hərəkət bə himoyə iyən mığoviməti ehtiyociş heste və çe insoni zumandəti nışon doydə,ım qınon çe insoni dovnə qəteydə və ehyanə co qıləy amil nıbu ki,ın zəyifətiyon cubron və kompensasiya bıko,insoni miyoniku bəbarde....
Peşonə ayədə hamyedə ki,Həzrət Mosə(ə) bə ın əmri əməlış karde:”Və iz ğalə...Çe fironi dastiku əvoni nicot doey bəçəvon yod vardey,əvoni çe sıtəmkorə ğudrəti dastiku xilos kardey.ım çe Əyyamullahku və Xıdo rujonku qıləyniye:İz əncakum min ...çən,ın rujon çe Əyyamullahku be.həmonə vaxt ki,camiyə,insonon iyən ğovmon çe sıtəmkorə ğudrətonku nicot pəydo kardedən.peşo çe pərvərdıqori umumi nido dəvome,Xıdo barzə sədo:Və iz təəzzənə rəbbukum,Təəzzən yəni Xıdovənde-Mutəol de barzə vanqi elon kardedə ki,”Ləyin şəkərtum...əqər şımə şık bıkon,əmə bəşmə doə neməti rujbəruj ziyod bəkardemon,vey bəkardemon:Vələyin kəfərtum...əmmo əqər şımə bə neməton kufr bıkon,çe şukri vəzifəon bə vırəon nırosne,bın zəmon İlai əzob əyo bəbe,ziyodə muşkiloton boşmə bə əməl bome.peşonə ayədə həm çın mətləbonku qıləy kulliyə nəticə holədə hamyedə:Və ğalə Mosə...ısət əmə votedəmon ki,şık kardey bıbu,ısət ki,votedəmon Xıdo nemətonku mığət bıbəmon,Xıdo neməton çe yodo beməkənən,ım boşmə ıştəni xotoye və illa Mıtolə-Xıdo beniyoze...
Əyyamullah muhimme.bandə dılım heste çe Əyyamullahku sehbət bıkom.bo kom kəson?.bo səbrəkə iyən şık kardə mərdumi. səbbar yəni vohidə formədə çe istiğomət iyən səbri əhlin,de kamə çi çe məydoniku xaric beydənin,tovinəti nışon doydən. səbbar şık kardedən yəni əvvəla neməti zıneydən,çe neməti punhon iyən oşkoə cəhəton vindedən.saniyən çe neməton ğədri zıneydən yəni çın neməton erji,çın neməton vəzni,çın neməton ğıyməti zıneydən.salisən bə həmonə əsos məsuliyyət hiss kardedən,bə ın neməton Xıdo əto kardey əsos,məsuliyyət hiss kardedən.qıləy millət,qıləy cəmyət,qıləy ğovm ki,be hovsələ nin,məsuliyyəti həm ğəbul kardeydən.ın ayəon çe İbreymi mıborəkə surə ayəonin,Məkkin.yəni bə zəmon ki,mısılmınon çe kufri cərəyoni mığobilədə mandin və mığovimət nışon doe iyən mıborizəşon barde,bə vaxti ın ayəon nozil bin,bəvon mıjdəvoniş doydə,bə milləti votedən və bızınən ki,Mıtolə-Xıdo Əyyamullahış heste,həmonə Əyyamullahış bəşmə nəsib karde. bəpe bə Əyyamullah xoto şık bıkon.əqər şımə qıləy dırıstə reksiya nışon bıdon iyən şukr bıkon,Mıtolə-Xıdo bəşmə əto kardə nemətonku,Mıtolə-Xıdo ayəndədə ziyodə ğələbəon əto bəkarde...
Çiç be ki,çe sehyonizmi xəbə imperatorəti səyon bədiqə-çıən hodisə çand ruj bənav iyən bəpeşt,sehyonizmi xəbə imperatorəti həmmə dınyoədə cəhdışon karde,çəmə aziz bıə buzurquvorə sərdori de terroristəti mıttəhəm bıkon.Amerkə prezdenti ıştən vote,xarici koon vəziri vote,sehyonizmi xəbə imperatorəti aparaton həmmə dınyoədə tikrorışon karde “terrorist,terrorist”- Mıtolə-Xıdo dırıst bəçəvon tələb kardə çi əks əməlış karde.nəyinki,fəğət iyo ironədə,dınyo mıxtəlifə kişfəron mərdum bə ın yolə şəhidi rufi səlom vığandedən iyən bə amerkə iyən sehyoniston pərçəmi otəş jeydən.aya çe Xıdo dasti vazehə şikilədə vindey beydəni?.aya”la təhzən...ki,çe pəyğombəri barədəy,veyə şiddətədə,yali Səvri mağarədə,bekəs.bəştə roy həmro votedə:La təhzən...Xıdo deəməy-ımi nışon doydəni?.aya çe Həzrəte Mosə(ə)-i bə Bəni-İsrayili hamyə sıxan ki,əvon tarsəbin və votedəbin:”İnna ləmudrəkun”-ısəte ki,çe fironi ğıvvon bomeyn və əmənbi mıhosirə bəkardeyn və çəmə rəğ-rişə bəbırneyn, Həzrəte Mosə(ə) hamyeşe:”Kəlla innə...Aya iyo”İnnə məiyə rəbbi”-inson vindey zıneydəni?.İroni millət hiss kardey zıneydəni ki,”İnnəllahə məəna”-Xıdo deəməy?.
