Nəhcul-Bəlağə pand iyən hikməton

Nəhcul-Bəlağə pand iyən hikməton

Fərəcə`ə Musa...Çən,Mosə(ə) ğıyzin iyən ğəmqin bəştə ğovmi səmt oqarde,voteşe:Ha çımı ğovm ha!aya şımə pərvərdıqor bəşmə(Tevrati nozil bey barədə)çokə və`dəş nıdoe?.

Əbuzər İslomə dini sıftənə ğəbul kardə kəsonku iyən çe pəyğombəre-əkrəmi(s) buzurquvorə səhobəonku qıləyni be ki,bə Ğıroni əksə hərəkəton mığobilədə bə sıtəmkorə hakimon ələyh ğəzəbin be və Əmirəl-Muminin Həzrət İmom Əli(ə) çe Əbuzəri ın ğəzəbi sıtoyiş kardedəbe.

İlahi ğəzəb nəyinki,çe nəfsi usyon,bəlkəm qıləy aqahonə iyən nığılə ğərol be.bənə cərrohon ki,de qıləy tijə çəxo çe vəhmi noxəşəti anqıli çe insoni vucudiku co kardedə və ya adilə hakim ki,de ğanuni silohi fəsodi camiyəku bə diyəro kardedə.rəvoyətonədə omə ki,”xışm iyən ğəzəb çe har nev bədə koon kilide”.əmmo qıləy vaxt ki,ın ğəzəb bə həxı əhəmiyyət doə kəson dastonədə ğərol qəteydə,vəzyət tafutin beydə.Kərimə-Ğıron bə pəyğombər iyən bəçəy əshobi hamyedə ki,”Əvon çe kofiron mığobilədə saxtqirin“.ın saxtqirəti iyən  şiddətin bey bəçəvon mazqi hışkəti xoto ni,bəlkəm bo həxıku mıhofizə iyən de dışmenon mıborizəroye.

Dışmeni mığobilədə tovinəti qıləy İlahi ğaydəş heste:Əmirəl-Muminin Həzrət İmom Əli(ə) Nəhcul-Bəloğə 174-ə hikmətədə bə ın ğaydəon işorə kardedə və jıqo hamyedə:”Mən əhəddə...İkəs ki,çe ğəzəbi nizə sə bo Xıdo xoto tij bıko,bo botıli səyvonon ğətliro qıləy ğudrət pəydo bəkarde”.

In ğəzəbi nizə sə tij kardey,bo qıləy mığəddəsə ğəzəbiro bıə qıləy umumi dəvəte ki,bə muminə merdon siloh doydə iyən çe botıli pasi bardedə.....