Nəhcul-Bəlağə pand iyən hikməton
Nəhcul-Bəlağə pand iyən hikməton
Əmirəl-Muminin Həzrət İmom Əli(ə) Nəhcul-Bəloğə 175-ə hikmətədə de jıqo tarson mıborizə bardero əsosə roon nışon doydə və hamyedə:“İza hiytə əmrən...Havaxti qıləy çiyku tarsiyon,ıştəni bəy şodənən, bəçəy dılə şodənən.çıro ki,çəyku pərhiz kardey saxtəti,ıştı tarsə çiyku vey dıjde”.
In zohirədə sodə bıə cumlə bə tarsi bıə psixoloqiya nığılə nəzə ıştədə ehtivo kardedə.Əmirəl-Muminin Həzrət İmom Əli(ə) dılış heste bıvoto ki,çəmə çəyku tarsə çi,nəyinki,ıştən-boştə,bəlkəm bəçəmə zehni dıjd kardə çiyon iyən təsəvvıron xoto saxt iyən tarsnok bə nəzə rəseydə.
Qıləy zəmon ki,çe qıləy ko əncom doeyku tarsımon heste,çəmə sıftənə reaksiya adətən çəyku fərol kardey və ya əy bə təxir eğandeye.əmmo ın təxir nəyinki,xof iyən tarsiku bəkam bəkarde,bəlkəm boyis bəbe ki,çəmə mubhəmə və şəkkinə norohətçətiyon iyən təsəvvıron həni həm vey bıbu.
In nəzə nəyinki,fərdi tarsonədə,bəlkəm çe jimoni vey dıjdə mevzuonədə həm istifodə beydə.ehyanə ikəs qıləy imtovonədə dəboxteyku,iqlə ko proyekti və ya hətto qıləy muhimmə ğəroliku vohiməş heste,de bə ın hikməti əməl kardey,ıştə məsir iyən roy əvəz kardey bəzıne.çe imtovoniku fərol kardey və vitey əvəzi,de mıtoliyə iyən de bəvədə iştirok kardey məşğul bıbəmon.ıştə ğərolon bə təxir eğandey əvəzi,bəy əməl bıkəmon.veyə vıronədə əmə vindedəmon ki,bə ın tevsiyə əməl kardey,nəyinki, muşkiloton iyən problemon həll kardedə,bəlkəm səbəb beydə ki,fərd de coqlə muşkiloton iyən problemon dimbədim omeyədə ıştə vucudədə qıləy vey zumand iyən vey hozzıə hiss bıvindo.
