Sefi foydə

Tolışə dionədə təminə sefə mivon hestin çəvon foydan həxədə bahandən.

Sefi foydə Sef çəmə ətrofədə bə xurəkon miyonədə səloməti əbaxşə xurək bə hisob omedə. Ğədimə zəmonəonku dınyo milləton ım mivəşon ve piyə. Sef eşğ,dusti,mahbobəti,çokə diyə(nəzə),səloməti,donoyi,zumandəti,.... nışonəy. Həmmə sefon i curə nin.sefi əndozə,çəy ranq,bu və təm fərğ dodə. Sefi do dınyo xəyli vıronədə mivə dodə və dınyo həmmə milləton ım mivə zındən.İronədə şimaliyə vişonədə mincumlə Tolışə dionədə ım mivə muşahidə bedə. Sef vitamin iyən foydəinə maddonış heste İnqiltərədə qıləy dədə bab sıxan(zərbul məsəl) heste ki votedən ruji ilə sef bəhə bə həkim məşi. Sefi harde bə pusti cıvon mande komək kardə,sefi harde pusti hışk be problemi həl kardə Sefədə vitamin B2 vitamin C və A heste iyən osın,mənyəziyom,kəlsiyom və petasiyom hestışe. Sefi coqlə foydə ıme ki xuni təziği balans kardə. YALE ali məktəbi tərəfo təşkil bə təhğiğ nışon dodə ki fəğət sefi bu karde noxəşi xuni təziği bə ğaidə eğandə(əy balans kardə) Sefi harde dandon iyən nəğiyu foydəş heste sefi cue bois bedə qəvi baktirion arəku bışon. Sefi harde coqlə foydə ıme ki ənqi əzələ zumand kardə . Sefi harde astə diji kam kardə və Feğres noxəşəti ki qujd və alkoli ve harde nəticədə icod bedə çok kardedə. Sef mazği zumand kardə və ə kəson ru ki çəvon fəaliyyət bə ve fikfən karde ehtiyociş heste məsləhət doə bə çun ki fosfori beb xoto əsəb və mazği zumand kardə. Sefi coqlə xosiyət ıme ki bə insoni oroməti dodə.sefi pusti dəm karde ki itkə anqivinədə şin bə qıləy oroməti doə dəmone. Tırşə sef pevarde və dılə doji çok kardeyu ve çoke.və əy arəku bardə. Tırşə sefi bıpatən xuniyə ishali çok karde dəmone. Tırşə sefi ovi de əno mivə omjən bıkən mədə noxəşəti dəmon kardə.