İroni İrağədə bıə xıdməti xıyməonədə bə 6 milyon zoyiri vırə doey bıə

Ərbəyini mərkəzi xorək və sakin karde komitə məsul İrondə 1 həzo 591 xıdmətiyə xeyməon bərpo karde işarəş ka və votışe: İrağədə 822 mukəb bərpo bəy ki, ta bə ısət bə 6 milyon zayir xıdmətış rosniyə

Ərbəyini mərkəzi xorək və sakin karde komitə məsul Yusef Əfzəli de Fars xəbəriyə mərkəzi həcc və ziyorəti jurnalisti mısohibədə İron və İrağədə bə Ərbəyini mukəbon fəaliyəti işarəş ka və votışe:

bə Xıdavəndə Xalıği lutfi əsos İraği sərzəmində iyən İroni sərhədiyə şəhronədə xəyili millətiyə mukəbon fəaliyət kardən.

Əv bə Ərbəyini zayiron xıdmət rosniyeyo bə vırə kardə bıə mukəbon ədəd işarəş ka və votışe:

İrağədə 822 qılə mukəb bərpo bəy ki, 640 qılə mukəb Kərbəlodə , 68 qılə mukəb Nəcəfdə, 58 qılə mukəb Kazemeyndə, 43 qılə mukəb Samirra və Bələddə və 13 qılə mukəb Musəyyebdə bə Ərbəyini şemoni zayiron bə xıdmət rosne məşğulin.