Ostoro istilı kənoədə turistiyə zərfiyəton icod karde zəruriye.

Qilanı ostandari,şəhron və şuraon koonədə bə mərkəzi mudiri votışe:Ostoro hestelı penə baxşədə turistiyə mərkəzon soxte ım hesteli fiziki əvəz nıkardə surətədə zəruriyə məsələy.

Qilanı ostandari,şəhron və şuraon koonədə bə mərkəzi mudiri votışe:Ostoro hestelı penə baxşədə turistiyə mərkəzon soxte ım hesteli fiziki əvəz nıkardə sorətədə zəruriyə məsələy.

Bə Mehr aqentəti xəbon əsosi Hoşənq Əbbasğulizadə Ostoro mer(bələdiyə) binaədə turizm baxşədə sərmayənoəkəson maneon təhlil kardeyu təşkil bə iclosədə votışe: sərmayənoəkəson əsosə fik çəvon sərmayə oqardeye.

Cənab Əbbasğulizadə əlavəş karde ım nəğsi cubran kardeyu bəpe mer(bələdiyə) ,şura iyən bə sərmayə noəkəso aid təşkilaton miyonədə həmkarətion ve bıbon.

Əbbasğulizadə votışe:sərmayə no kəson bəpe bə umumiyə dəvəti əsosi,turistiyə planon icrayu dəvət bıbon və işarəş karde,dınyoədə turizm sahədə veyə bəroməon(dəraməd) şikar coonku hasil bedə,boçimi əsosi turizm bərnamon inkişaf doe bəpe bə şikar ya şikarco sənaye tərəfi hidayət bıbo.

Cənab Əbbasğulizadə votışe:terminalon və yolə ticariyə mərkəzon bəpe bə şəhri daxil bə vıronədə icod bıbon və jıqo mərkəzon bə ro dəğandeku şəhri dılədə,izdiham iyən bə tokınon ziyan rəseyu mane bıbəmon və əlavəş karde bələdiyəon məsul şəxson planon mudiriyət kardeyu bəpe,huşinə şəxson,jurnaliston və sıpirişon məsləhətonku istifadə bıkən.

Qilanı ostandariədə şəhron və şuraon koonədə bə mərkəzi mudir cənab Huşənq Əbbasğulizadə votışe: Ostoro,İronədə mincumlə 1 minnə şəhronkuy ki inkişafi mukəmmələ bərnaməş heste və əlavəş karde ım  şəhrstani hesteli penə baxşədə hoteli soxte bə ım mahbobə hesteli dılə və çəy fiziki dast nıjə holətdə,qıləy zəroriyə koy.

Əbbasğulizadə votışe:Ostoro hesteı turistiyə planədə heç holədə hətta qıləy qədə fizikiyə ko həm bəpe çə ovədə  əncom nıbo və ıştə sıxanon dəvomədə votışe:musaferoni ki şəhrədə mandə nin,şəhronədə bə xərcon ve be iyən problemon bois bedən.

Cənab Əbbasğulizadə ,na səhih və pesoxtə bə məlumaton pevılo kardeş bə sərmayə noə kəson tıle boisış zınə və əlavəş karde sərmayə noə kəson tıle əsosə dəlilonku,jıqo problemonin vəQilanı ostandari məsul şəxson karde bəznen jıqo nasəhihə məlumaton pevılo karde vəy bıqəton.