Azərbaycan Respublika tolışə vişonədə yolə otəş okıştə bəy.

İroni Heyranı məntəğə neziədə Azərbaycan Respublika tolışə vişonədə yolə otəş okıştey bıə.

İron de Azərbaycan Respublika sərhədi Ağçay Tolışə vişon azərbaycani baxşədə(ironi Heyran) məntəğə neziədə  yolə otəş həmuş be.

Bə Tolışi Rədio xəbon əsos, Ardəvilı ostanədə bıə təbiiyə mənbəonku muhafizə bıkə ğıvvon otəşi təşkil bə saatiku elanışon kardə 3 qılə dastə çı ostani imdodiyə ğıvvonku otəşi okışteyu hozzı vəziyətdə mandən ta ehtiyoc bə vaxtədə Ostoro Heyran məntəğədə bə Qilani imdodiyə ğıvvon əlavə bıbon.

Qilan ostanədə bıhroni mudiriyət karde mudir Əmir Muradi Azərbaycan Respublika vişonədə(tolışə vişonədə) yolə otəşi hadisəku işarəş karde və votışe: de xuşbəxtiyəti ım otəş sərhəddiku bə Qilan ostani vişon varid nıbe.

Əv votışe ki otəş Demiroğli tosə Bəharıston məntəğə miyono təşkil be əmmo Ostoroçay ru bənə mane bois be ki otəş bə Ğilon varid nıbu.

Isət İroni sərhəddiku fəğət çı otəşi duyəvulə vindey bıdə.