Xanım Ummul-Bənin(s) bəfoti əyyomədə Masalıjə şəhidi inə bə rəhnət şe.
Xanım Ummul-Bənin(s) bəfoti əyyomədə Masalıjə şəhid, Seyd Məhdi Musəvi qiromiyə inə bə rəhnət şe.
Bə İroni Tolışə Rədio raporti əsos, Masal şəhri şəhidon iyən veteranon idarə Yol Əbbas Xeyreşər de ın xəbə elan karde votışe: Masalıjə şəhid, Seyd Məhdi Musəvi bozorqvarə inə, xanım Papoza İbrohimi tojədən və de Xanım Ummul-Bənin(s) bəfot əyyomi həmzəman 91 sorəti sinnədə bə rəhmət şe və bəştə şəhidə zoə rufi əlovə be.
Ğeyd kardənine ki Şəhid, Pilot Seyd Məhdi Musəvi hecri şəmsi 1366-ə sorədə iyən Səddam rejimi bə İron təcavuzi cərəyonədə artileria bombardımoni nəticə və Ğəsre Şirin canqi məntəğədə şəhid bıə be.
İroni Tolışi Rədio tərəfo ım mısibəti bə şəhid, Seyd Məhdi Musəvi qiromiyə ailə təsliyət ərz kardeydəmon, inşaəllah ki ım şəhidi inə de Həzrəte Əbbas(ə)-i bozorqvarə nənə Xanım Ummul-Bənin(s) məhşur bıbu.
