Masali tuməcoron 35 fayiz zımıstonə şum jıey

Masali tuməcoron 35 fayiz zımıstonə şum jıey

Masali Aqrar Sənaye İdorə rəyis:de ziyondoə həşoraton mıborizə bardey məğsədi,Masali tuki bicoron 35 fayiz zımıstonə şum bə vırə rosney bıə.bə Tele-rədyo xəbə aqentəti  Qiloni mərkəziku bıə məlumoti əsos,Cəhanbaxş Əlipuri voteşe:Masali şəhrıstoni 7 həzo hektar tuməcoronış heste ki,de tosə ısət çın tukə bicoron 35 fayiz  zımıstonə şum bə vırə rosney bıə.

Əy əlovəş karde:zımıstonə şum jıey bə munbitə zəminon ziyod bıey və həloğon,ziyondoə həşoraton və noxəşətiyon kontrol kardeysə əlovə,bə kaştemoni sahədə ovi məsrəfi idorəçəti iyən çın məhsuli istehsoli xarcon bəkam bıey həm boyis bəbe.

Masali Aqrar Sənaye idorə rəyisi bə çın şəhrıstoni çı keyfiyyətinə bırzi istehsoli vırə işorəş karde ki,bın şəhrıstonədə kaştə bıə əksər bırzon Haşımi nevə bırze və bəyodış dənoe ki,çun,Haşımi bırzi dıjdə donəş heste və voşi voyemoni zəmonədə de şiddəti olaxtedə,əve ğəsdımon heste ki,ımsor veyni çı nuyə bırzon neviku oko bıdəmon.

Cəhanbaxş Əlipuri voteşe:nuyə bırzi nevon  kırtə tumin və çı noxəşətiyon mığobilədə barzə mığovimətışon heste və veyə məhsul doydən .əy əlovəş karde:xoşbaxtanə Masali şəhrıstoni kaştevonon çı kırtə donə bırzon kaşteyku rozin və çın nev bırziku istifoə kardey,bə tuk kaştə kəson bəromə ya dəromədi ziyodəti boyis bəbe.

Masali Di Təsərrufoti mudiri elonış karde ki,ımsor fikimon heste,bın şəhrıstonədə çı  maşini təsərrufotiku həm oko bıdəmon və proqnoz beydə ki,çın şəhrıstoni tuki bicoron 80 fayiz de maşini təsərrufoti vositə kaştey iyən qırdə kardey bəbe.