Əsalem(Əslumı) cumə imomi votışe: nizomi ğətiyə siyasət atom sazışi vədə oşkoye.

Əslumı cumə imom,atom sazışi cəhətdə bə nizomi ğətiyə siyasət iyən inğilabi yolə rəhbəri bəyonot işarəş karde və votışe: İron çandəkərə atom sazışi icraədə ıştə səhihə niyyətış bə nımayeş noə və ısət Avrupa və Amerkə nubəy.

Əsalem(Əslumı) cumə imomi votışe: nizomi ğətiyə siyasət atom sazışi vədə oşkoye.

Əslumı cumə imom,atom sazışi cəhətdə bə nizomi ğətiyə siyasət iyən inğilabi yolə rəhbəri bəyonot işarəş karde və votışe: İron çandəkərə atom sazışi icraədə ıştə səhihə niyyətış bə nımayeş noə və ısət Avrupa və Amerkə nubəy.

Bə Mehr aqentəti xəbon əsosi Huccətul islam Muhhəm Cəvad Bağıri Əslumı ım haftə cumə nımoji xutbəonədə rəcəbə manqi dəme mınosibəti bə rəcəbə manqi fəziləton və erj iyən ım manqi əməlon və ibadəton səvobiku işarəş karde və votışe: rəcəbə manq qınoon təmiz karde və bə ilahiyə dərqah nez beyu çokə frsəte.

əv bəhmənə manqi 22 nə ruji,islamiyə inğilabi səbarzəti 42 minnə sorəqardışədə,İroni milləti ğəhrəmanəti ofəye xoto təşəkkurış karde və votışe:  çəmə məmləkəti çokə millət nışonışon do ki korona həm bə inğilabi səbarzəti şoə mərasimon mane əbı ni və ımsor de maşinon kərvoni huzur coqlə ğəhrəmanətişon xəlğ karde ta nışon bıdən həmməysə saxtə şərayetəndə həm inğilab və islamiyə nizomiku himoyə bəkan.

Əslumı cumə imom,bəhmənə manqi 19 minnə ruji yolə rəhbəri de həvoiyə silahinə ğıvvon fərmondəon bəyonotiku işarəş karde və votışe: Amerkə heç vaxti karde zınəş ni

İroni milləti inğilabi və mənəviyə yolə ruhiyəku aqah be və həmmişə bəştə fakton əsosi bərnaməş hozzı kardə və ım hisob kitobon həmmişə bə Amerkə məğlubiyət bois bə və çimi bəpeştə həm de Xıdo lutfi,İroni  milləti vədə məğlub bəbe.

əv bə nizomi ğətiyə siyasət atom sazışi vədə işarəş karde və bə inğilabi yolə rəhbəri bəyonoton diğğət doe əsosədə əlavəş karde çəmə çokə niyyəton bəştə rizo əsosi əncom doə əməlonədə  subut bə, əmmo Amerkə və Avrupa 3 qılə  məmləkət heç vaxti həğiğətən sanksiyaon peqəteyu ğədəmışon peqətə ni.

Imruj əvon həxışon ni atom sazışi həxədə şərt bınən və əmə hestimon ki de şərt və həğiğətən sanksiyaon peqəteyu çəvon rostiyəti imtivoniku dəvoneədə,atom sazışi hisob kitobon təin bəkamon.

Huccətul islam Bağıri bə islamiyə şura məclisi rəis de Rusiyə doma məclisi rəisi dəvəti əsosi bə ım məmləkət səfər karde və inğilabi yolə rəhbəri mesaji bə Veladimir Putin rusneku işarəş karde və dəvomədə əlavəş karde dınyo kali odəmonku fik kardən dınyo çan qılə ğərbiyə məmləkəte qıləy holədə ki xəyli məmləkəton bənə Rusiyə və Çin ki  dəmə həmroy, beynəlxalğə hisob kitobonədə əsosə rol ifa kardən ki dəvon rabitə zumand karde ğərbı monopolə ğıvvə arəku bəbay və de şərğ rabitəon həm zumand bəben.

Əslumı cumə imom məhkəmə təşkilati rəisi bə İraği məmləkət səfərış həm muhim zınə və əlavəş karde İraği milləti bə Ayətullah Rəisi və beşe nışonış do 2 qılə milləti nığılə əlağə heç vaxti penibəsiyə,çunki məzhəbiyə əğidəonədə rişəş heste və de mığavimət sərdaron xuni doştə bə.

əv 2 qılə milləti vəhdət və həmdıləti iyən 2 qılə məmləkəti rabiton inkişaf və mığavimətı sərdaron terrori əmri doəkəson iyən icra əkon bə çəvon cəzo rosniyeş çı səfəri yolə nəticonkuş zınə.