Ostoroədə İmom Əli(ə) milad sorəqardışi mərosim.

Şiəyon i minnə İmomi moəku bıə ruji sorəqardışi məxsus mərosimon zinə de səhiyyəvi porotokolon rioyəti Ostoroədə bərpo be.

Bə İroni Tolışi rədio raporti əsos, Ostoro Əbbasiyə nomo məçidədə İmom cumə Hoci Kazim Hafizniya ıştə sohbətonədə votışe: İmom Əli(ə)-i rəftor iyən jimoni şivə insoniyət vey barzə vırədəy bə bəpe Həzrəti imon, ədolət, şucaət, əbaxşəti, ğəryət, cıvon merdəti və əxloğ bəşəriyəti jimonədə bənə simvol bıbu.

Hucətul İslom vəl Muslimoin Hafizniya bə muxtəlif hədison əcumlə Səğəleyn iyən Kəsa zumandə eteboşon bıə hədisonədə Peyqombər(s) tıkid iyən oşkorə sıxənon əlovəş karde: həminə hədisonədə İmom Əli(ə) həxədə ğıyd bıə fakton bo şiəyon iminnə İmomi həx beyro vəse iyən kifayət kardeydə.

Əv həmməy kəsonış bə Həzrət Əli(ə)-iku olqo peqəte dəvətış karde.

Həzrət Əli(ə) Rəcəbə manqi 13 Xıdo kə, Kəbədə bə dınyo omedə.

Həmonə rujədə Kəbə divo Hətrəti əzizə inə Fatimə Binte Əsədi vədə oj be ta əv Ali(ə)-i bə dınyo vardero bə ım mığəddəsə vırə daxil bəbu.

Həzrət Əli(ə) nocıvonəti faxtiku İslami əzizə Peyğəmbər Həzrəte Muhəmməde Mustəfa(s) tono yol be.

Vilayət və İmoməti osmoni i minnə astovo, iminnə şəxsiyyət be ki bə İslam imonış vardə və Xıdo Rəsul(s) tərəfo islami dini təbliğ kardero həmmə mərhəlonədə de Pəyğombəri bə ico be, bənə Xıdo Rəsul(s) dust iyən koməkəkə.

İron İslam Respublika təğvimədə dınyo şiəyon 1 minnə İmomi viladəti sorqardımon, de dədə(pıə)on ruji nom  ğeyd bıə.