Qilonədə Koronavirusi tuğyon.

İjən 48 nəfər Qilonıj mardin, dəvardə 24 saəti mıddətədə 383 nəfər bə Koronavirusi mıbtəlo bıə noxəşi Qiloni noxəşxonəonədə oloxtonəşone.

Bə Qiloni Telerədio raporti əsos, Qiloni tib elmon universiti səhiyyə muavin votışe: halihazirədə 980 nəfər Korona noxəş ın ostasni noxəşxonəonədən ki çəvonku 383 nəfər fəğət dəvardə 24 saəti mıddətədə bə nakonə noxəşon əlovə bıən.

Doktor Abtin Heydərzodə bəyonış karde ki Qiloni Korona noxəşonku 285 nəfəri hol-əhvol çok ni iyən votışe: dəvardə 24 saəti mıddətədə həmonə noxəşonku 48 nəfər ışrə coni dastiku doəşone.

Əv bə umumi iştimaiiyətiku diyəro mandey zəruriyati işarəş karde və votışe: Qilonədə Koronavirusi tuqyon vəziyətədəy iyən çəyku əmonədə mandeyro fəğət bəbe səhiyəvi porotokolon rioyət bıbu.