Qilonədə Koronavirus ijən ğıboni qəteydə.

Dəvardə 24 saəti mıddətədə 383 nəfər bə Koronavirusi mıbtəlo bıə noxəşi Qiloni noxəşxonəonədə oloxtoniyəşone.

Bə Qiloni Telerədio raporti əsos, Qiloni tib elmon universiti səhiyyə muavin votışe: holihazirədə 1 həzo 810 nəfər Korona noxəş ın ostani noxəşxonəonədən ki çəvonku 383 nəfər fəğət dəvardə 24 saəti mıddətədə bə nakonə noxəşon əlovə bıən.

Doktor Abtin Heydərzodə bəyonış karde ki Qiloni Korona noxəşonku 263 nəfəri hol-əhvol çok ni iyən votışe: dəvardə 24 saəti mıddətədə iyən bə bevəcə şərayeti xoto, həmonə noxəşonku 39 nəfəri bə məxsus oqətə vırəon bardəşone.

Qiloni tib elmon universiti səhiyyə muavin əlovəş karde: har ruj 7 həzo nəfər çı Qiloni damon mərkəzonədə səpo mualicə bıdən.

Əv bə umumi iştimaiiyətiku diyəro mandey zəruriyati işarəş karde və votışe: Qilonədə Koronavirusi tuğyon vəziyətədəy iyən çəyku əmonədə mandeyro fəğət bəbe səhiyəvi protokolon rioyət bıbu.