Çı İroni şimol mantəğə çayəvonon tələbiku 23 milyard tıməni doəşone.

İroni çay idarə yol votışe: tosə bə ısət çı İroni şimol mantəğə çayəvonon tələbiku 76 faizi bə çəvon hisobi ekardəmone.

Bə İroni Telerədio aqentiyəti raporti əsos, İroni çay idarə yol əlovəş karde: de ın puli ekarde, 522 milyard tımən yani 76 faiz çayəvonon tələb tosə Shəhrivərə manqi 11 doə bəy.

Həbib Cəhansaz votışe: məhsuli qırdə kardey fəsli əvvəliku tosə bə ısət, 121 həzo 178 ton havzə çay livə de 689 milyard tımən erji çayəvononku hıryə bəy ki dəvardə sori muğaysədə 17 faziz vey be.

Əv əlovəş karde: həminə hıryə bıə çayku, 57 həzo 810 ton yəni 48 faiz vey keyfiyətine iyən 63 həzo 367 ton yəni 53 faiz 2 minnə dərəcə keyfiyətış bəbe.

İroni çay idarə yol ijən votışe: tosə bə ısət 272 həzo 650 ton hışkə çay çı Qilon iyən Mazəndəron çay fabrikaonədə istehsol bıə.