Estehsol sorədə Qilonıjə fermeronku himoyə.

62 həzo toniku vey kaştımon məhsulon Qilonıjə fermeronku hıryə bıə.

Bə Qiloni İRİB raporti əsos, Qiloni divujon dastqirəti mudir idorə yol votışe: ımsor tosə bə ısət 62 həzo 713 ton kaştımon məhsulon de təvafuği və qarantiya sorəti fermeronku hıryə bıə, ım ko fermeronku himoyədorəti kardeyro əncom bıə.

Əbbas Cəfərpur votışe: ım mıddətədə 242 ton qandım de 12 milyard riyol erji Qilonıjə qandıməkaştonku hıryə bıə.

Əv de işorə bə ım plan ki çəyədə çolınqon və kaştemoni məhsulon de təvafuğ sorəti bıstən- bəhvat bıdə, əlovəş kardə: ımsor tosə bə ısət 2 həzo 326 ton sipi və sıə qujd de 514 milyard riol və 12 həzo ton şıt de 514 milyard riyol erji Qilonıjə fermeronku hıryə bıə.

Qiloni Ostani divujon dastqirəti idorə mudir çolınqon və kaştemoni məhsulon de təvafuği bıstən-bəhvat kardey prosesədə ko operativon vəziyəti barədə votışe: 30 həzo ton kaştemon məhsulon əcumlə bırz, bırzi şəltuk, məkə donə, cəv, suvist iyən puçə de 280 milyon tımən erji fermeronku hıryə bıə.