Qilonədə moyə hırdənon ozod kardey bə oxo rəse.

177 milyon qılə moyə hırdən Qiloni ruonədə ki bə Xəzə dıyo daxil bıdən ozod kardeşone.

Bə İRİB raporti əsos, çı Qiloni moyəvonon idorə yol de işorə bə im ki Qiloni ruonədə moyə hırdən ozod kardey 7 faiz vey be, votışe: bo Xəzə Dıyo ehtiyaton hifz kardeyro ımsor 177 milyon qılə moyə hırdən çı Qiloni ruonədə ozod kardə bəy ki ım moyəonku 70 faizı sıpiyə moy be.

Əzim Modəbberi de işorə bə dəvardə sorədə 165 milyon qılə moyə hırdəni ozod karde, əlovəş kardə: Xəzə Dıyo ehtiyaton ziyod və ijən obod kardeyro çı Qiloni moyəvonon idorə muhimə koonku be.

Əv de işorə bə səyadon quzərani təmin iyən ostani ekoloqiya hifz kardey xoto Xəzə Dıyo ehtiyaton ijən obod kardey əhəmiyəti, əlovəş ka: Qilonədə 3 qılə mərkəz bo moyon ehtiyaton ijən obod kardey hestin və 2 sore ki Qiloni səyadon ijən səyadəti dastəon de 18 qılə ko operativi bə Qiloni moyəvonon idorə komək kardən.

Im komək de təbii istilon icod kardey vositə əncom bıə.

Qilonədə 50 qıləku vey səyadəti ko operati de 4 həzo səyadi fəaliyət kardən.