Bə Koronavirusiku zərəl vində ko soybon kredit doe dəvom kardedə.

Qiloni dastqirəti, ko iyən iştimaii idorə yol, ın ostanədə bə Koronavirusi nəticədə zərəl vində ko soybon ijən tosə 3 manqi mıddətədə kredit doe dəvomiku xəbəş do.

Bə İrib raporti əsos, Əbbos Əlizodə votışe: bə Kronavirusi iğtisodi təsiron mudiriyətəkə kamissiya ğəroli əsos, həminə məxsus kreditonro nomi ğeyd karde iyən əy bə şomil bıə cəmaəti doe zəmon ijən dıroz bıə və bə Koronavirusi nəticədə zərəl vində ko soibon tosə Azər manqi kredit doe dəvom kardeydə.

Əv votışe: bankon de daxıli istehsoliku himoyədorəti karde mehvər bəbe tosə omə 5 manqi mıddət həminə krediton da kamə faizi bə şomil bıə ko soibon bıdən.

Qiloni dastqirəti, ko iyən iştimaii idorə rəis votışe: şomil bıə kəson bəpe de interneti vositə ıştə nomi ğeyd kon və həni bə ın idorə muraciət karde lozim ni.

Əbbos Əlizodə əlovəş karde: tosə bə ısət təğribən 39 həzo nəfər bə 3 həzo 500 milyard riyol nezi Korona krediti qətəşone.