Qilonədə Koronavirusi təhdid ijən dəvom kardeydə.
Qiloni tib elmon universiti sıxənəvot votışe: Qiloni noxəşxonəonədə 400 nəfər Koronavirusi noxəşi oloxtoniyəşone.
Bə İRİB raporti əsos, Qiloni tib elmon universiti sıxənəvot tojədən votışe: holihazirədə Qilon ostani noxəşxonədə 400 nəfər Korona noxəşi oloxtoniyəşone ki ım miğdoriku 87 nəfər dəvardə 2 ruji mıddətədə bə nakonə noxəşon izofə bıən.
Doktor Fərdin Mehrabiyan bə ım məsələ işorəş karde ki 86 nəfər çı Koronavirusi noxəşon ısət Qiloni noxəşxonəon reanimasiya baxşədən əlovəş karde: zinə ijən 13 nəfər çı Korona bədholə noxəşi bə noxəşxonəon məxsus oqətə bıə baxşi bardəşone.
Əv təkidış karde ki: Koronavirusi mıbtəlo bıə kəson miğdori kam bey prossesi dəvomiro millət bəbe haftə oxonə rujonədə cəm bıə vırəon iyən lozim nıbıə səfəriku diyəro bımandon.
