Qiloni boğonku əno çıniye.

Qiloni 483 hiktor boğonku tırş iyən şinə əno çıniye bino bıə.

Bə Qiloni Tele-Rədio raporti əsos, Qiloni ditəsərrufat cihod idorə boğəvonəti koon mudir de ın xəbə elani votışe: proqnoz bıdə ki 3 həzo 870 ton tırş iyən şinə əno de 31 milyard tımən erji ımsor Qiloni boğonku çınyə bıbu.

Mənuçehr Parsafər əlovəş karde: Qilon ostani boğonədə tırş iyən şinə əno çıniye tosə omə manq yəni Aban manqi oxo dəvom kardeydə.

Qiloni ditəsərrufat cihod idorə boğəvonəti koon mudir ijən votışe: Qiloni zəminonədə tırşə əno boğon veyni Masal, Rudbar, Əmləş iyən Talişədəy, ki çəvon miyoniku Masal tolışə şəhr de 200 hiktor boği, ostanədə tırşə əno boğon hevujəti və miğdori cəhəto i minnə vırədəy.

Parsafər həminə xəbə dəvomədə izhorış karde ki təğribən Qiloni həmməy şəhronədə əno boğ heste, əmmo Rudbari çokə həvosət bois bıə ki ostanədə ın şəhr şinə əno istesolədə bənə yeqanə vırə bıbu.

Qilonədə 1 həzo 748 nəfər boğəvon hasor de əno çıniye məşğulin iyən bəştə jimoni quzərani komək kardedən.