Ənzəli portiku məhsulon ixracat 100 faiz ziyod bıə.

Qiloni porton iyən dıyovonəti idorə yol, ımsornə sori 1 minnə 6 manqi mıddətədə, 200 həzo ton muxtəlif məhsulon çı Ənzəli portiku ixrac kardeyku xəbəş do.

Bə İrib raporti əsos, Həmid Rıza Abaii de ın xəbə elani votışe: sori əvvəliku tosə bə ısət 200 həzo ton muxtəlif məhsulon əcumlə ditəsərrufat məhsulon, mivə konsentrat iyən kə soxte əbzor-təchizoton Ənzəli portiku bə Rusiyə, Ğəzaxiston, Blarus və Okraynia sadir bıə ki dəvardə sori muğaisədə 100 faiz vey bey nışo doydə.

Əv əlovəş karde: Koronavirusi vəziyətədə dıyo nəğliyoti har ruj 24 saaət ko karde, kamaz şoferon iyən nəğliyot idorə tərəfo çokə həmkarətion bois bıə ki Ənzəli portiku mol-əmtəə xaric bey de surəti əncom bıbu, anədə ki ısət ın portədə əsosi məhsulon depo 41 faiz kam bıə.

Qiloni porton iyən dıyovonəti idorə rəis həmçenin votışe: bə kəştion xidmət kardey iyən boon tıyli karde zəmon çimiku həm vey kam bəbe və ısət bə port daxil bıə kəştion 1 ya nəhoyət 2 ruji mıddətədə koon sə iyən porti tərk kardən.