Qiloni boğonku kivi çıniye bino bıə.

8 həzo 120 nəfər Qilonıjə boğdor kivi çıniye bino kardışone.

Bə Qiloni Tele-Radio raporti əsos, ostani ditəsərrufat idorə boğəvonəti muavin ın xəbə elani kənoədə votışe: Qilonədə 6 həzo 414 hiktor kivi boğ heste ki Aban manqi niməku məhsuli çıniye bino bıdə.

Mənuçehr Parsafər jığo proqnozış karde ki ımsor boğəvonon 210 həzo ton kivi de 3 həzo milyord tımən erji Qiloni boğonku bıçinon.

Əv əlovəş karde: Qilon ostani çınyə bıə kivionku 50 faiz bə həmsuyə kişvəroni əcumlə Rusiyə, Azərbaycan Respublika, Ğəzaxiston iyən mərkəzi Asiya co kişvəron sadir və ixrac bıdə.

Ğilon ostani ditəsərrufat idorə boğəvonəti muavin bə Qiloni sərhəddonku kivi ixracati bino bey işorəş karde və votışe: kivi istihsolədə İron dınyoədə i minnə vırə, iyən İronədə Qilon i minnə vırədəy.

Kivi istehsoliro Qilonədə Talış, Rudsər iyən Ostoro de tərtibi vey əsli iyən yolə məntəğəonin.