Gilonədə bıə Koronavirusiku oxonə xəbon.
Dəvardə 24 saəti mıddətədə 82 nəfər Koronavirusi noxəş bə Qiloni nəxəşxonəon izofə bıə.
Bə İRİB raporti əsos, Qiloni tib elmon universiti sıxənəvot votışe: ostani noxəşxonəonədə bıə koronavirusi noxəşon miğdor bə 330 nəfər rəsə.
Doktor Fərdin Mehrabiyan bə səhiyyəvi protokolon rioyəti zəruriyyati işorə iyən təkid kardışe: dəvardə 24 saəti mıddətədə 82 nəfər bə Qiloni noxəşxonəonədə bıə nakonə noxəşon miğdor izofə bıə.
Qiloni tib elmon universiti sıxənəvot 12 nəfər korona noxəşi bə reanimasiya baxşi bardeyku xəbəş do və votışe: 65 nəfər bədholə Korona noxəşi həm bə Qiloni noxəşxonəon xususi oqətə vırəon bardəşone.
Mehrabiyan ijən işorəş karde ki virusi tələfoti kam kardey yeqanə roy vaksinasiyae, çən ostanədə 300 qıləku vey mərkəz bo ın ko nəzər dəqətə bəy.
