Qiloni kuçəkə ğəbiləon iyən ğələvonon bə zımıstonqo tərəf kuçi bino kardeşone.

Qilon ostani ditəsərrufat idorə kuçəkə ğəbiləon koon muavin ğələvonon iyən moləvonon bə zımıstonqo tərəf kuçi bino kardeyku xəbəş do.

Bə İroni Tele-Rədio raporti əsos, Muhəmməd Talebi de ın xəbə eloni votışe: Qiloni kuçəkə ğəbiləon iyən ğələvonon har sor Mehr manqi niməku bə zımıstonqo oqarde bino kardedə bin əmmo ımsor və bə hışkəsori xoto kuç i manq di bino bıə iyən dəvom kardeydə.

Hasor Təğribən 1 həzo 598 qılə ailə çı Qiloni moləvononku de 201 həzo sıbık iyən qonə moli zımıstonqoku bə qıyə kuç kardən.

Moləvonon  iyən ğələvonon molə məhsulon istehsoli rovnəğiro tosə pozə fəsli əvvəli qıyədə bəmanden.

Qilon ostani ditəsərrufat idorə kuçəkə ğəbiləon koon muavin ijən votışe ki bə statestikaon əsos, Qiloni moləvonon hasor 1 həzo 400 ton sıə qujd, 126 həzo ton şıt məhsulon, iyən 210 ton paşmə istehsol kardeydən.