Qeneral Əmuyi, çı Tolışə xalği ğəhrəmonə fərmondə.

Omman dıyoədə bıə Amerkə terroristə ğıvvon tərəfo İroni natə tankıri dızdiyəti vəy qəte əməliyoti fərmondə Tolışon yolə fəxr Qeneral Sadiğ Əmuyi be.

İroni Sepah dıyo ğıvvon dəvardə haftə Omman dıyoədə dıştə zumand və çəy faxtədə bıə əməliyoti vositə Amerkə xəbisə plani ki İroni nat kırnə kəşti dızdiye pidəş be məğlub kardışone.

Həminə əməliyoti fərmondə Tolışon yolə fəxr iyən ğəhrəmonə kamandir qeneral hoci Sadiğ Əmuyi be ki ın stajış nıbıə heyrıtomizə əməliyoti kontorol və mudiriyətədə çı İroni Sepah təşkiloti dıyo ğıvvon hidoyət kardedə be.

Qeneral hoci Sadiğ Əmuyi çand sor Suriyədə de terroriston mubaridə bardey muxtəlif əməliyotonədə bənə İroni hərbi mışovir şəhid hoci Ğasim Suleymani kənoədə be.

İroni ın ali iyən ciqəmandə kamandir, 4 sor bəbe ki de İroni Sepah təşkiloti fərmondə hıkmi bənə İroni Sepah təşkiloti dıyo ğıvvon Əba-Əbdellah(ə)-i xususi hərbiçion və briqada fərmondə unvani vıjniyə bəy.

In məxsusə ğıvvə təğribən 15 sor çimi bənav de İroni Yolə Rəhbəri əmri təşkil bıə iyən ısət çəy əsli baza Fars dıyo Farur cəzirədəy.

In briqada Sıvoy Ommanədə anti Amerkə tojə əməliyoti, İnqiltərə beğanunə nat kırnə tnkiri mısodirə karde, Amerkə və İnqitərə dıyo təcavuz karə hərbiçion dastqirəti, və çandə dıyo dızdiyətion məğlub kardey ıştə karnamədə ğeydış kardə.

qeneral hoci Sadiğ Əmuyi nəzəku məntəğə ovonədə xarıci hərbiçion iştirok fəğət noəmnəti bois bıdə və İron Fars dıyoədə ın xarıcion hərəkəton tam manitorinq kardeydə.