Qilonədə Koronavirusi noxəşon kam bey dəvom kardeydə.
273 nəfər Korona noxəşi çı Qiloni noxəşxonəonədə oqətəşone.
Bə İRİB raporti əsos dəvardə 24 saəti mıddətədə 53 nəfər Koronavirusi noxəş bə Qiloni nəxəşxonəon izofə bıə.
Qiloni tib elmon universiti sıxənəvot bə Qilonədə Koronavirusi noxəşon miğdori kam bey işorəş karde iyən votışe: ostani noxəşxonəonədə bıə koronavirusi noxəşon miğdor bə 330 nəfər rəsə.
Doktor Fərdin Mehrabiyan bə səhiyyəvi protokolon rioyəti zəruriyyati işorə iyən təkid kardışe: tojədən 8 nəfər korona noxəşi bə reanimasiya baxşi bardəşone iyən 65 nəfər Korona mıbtəlo bıə bədholə noxəşi həm Qiloni noxəşxonəon xususi oqətə vırəon oloxtoniyəşone.
Jığo elan bıə ki noxəşonku 56 nəfəri hol-əhvol çok ni.
Qiloni tib elmon universiti sıxənəvot ijən işorəş karde ki virusi tələfoti kam kardey yeqanə roy vaksinasiyae, çən ostanədə 300 qıləku vey mərkəz bo ın ko nəzər dəqətə bəy ki şahrvandon bəpe bo təhdidon məhv kardeyro vaksini ciddi bıqəton.
