Qiloni istilonədə muhacirə pərəndəon mehmonəti.

In rujonədə təğribən 200 həzo muhacirə pərəndə Qiloni muxtəlif istilonədə ıştə jimoni dəvardedən.

Bə Qiloni Tele_Rədio raporti əsos, ostani ekoloqiya muhafizə əkə idorə rəis bə Qiloni istilon tərəf muxtəlif muhacirə pərəndəon səfəri bino bey işorə və təkidış karde: har sor de həvosəti sard bey həmzəman, 200 həzoku vey muxtəlif pərəndəon sibiri sardə məntəğon səmtiku bə Ğiloni istilon tərəf omeydən ta ın xoşə həvosətış bıə ostanədə ıştə zımıstoni dəvardon.

Əbbos Aşuri votışe: de diğğət bə çəmə təşkilati koəkəyon tərəfo manitorinq və muşahidəon, bili, xoki ranqış bıə ğaz, sipiyə pişoniyə ğaz iyən muxtəlif kəpkon əcumlə muhim pərəndəonin ki bə İroni istilon omeydən.

Ənzəli, Əmirkelayə iyən Bucağ çı Qiloni 3 qılə beynəlxalğ istilonin iyən Tolışədə Cokəndan və Ostoroədə bıə Ağ nomo bıə qədə istilon həm vey çok iyən mınosib vırəonin ki muhacirə pərəndəon əyo ıştə zımıstonə jimoni dəvordoneydən.

Həminə pərəndəon de həvosəti qam bey həmzəman iyən bəharə fəslədə kijə vardey bəpeşt ijən bəştə şimoli vətəni tərəf pəre və səfəri bino bəkarden.

Jığo vote bıdə ki ğərbi Sibiri pərəndəon muhacirəti cərəyonədə har sor təğribən 7 milyon pərəndə çı Caspi-Nil karidoriku dəvardeydən.