Bəsic haftədə 41 qılə kə bə Qiloni ehtiyocinə şəxson doe bəbe.
De səhiyyəvi protokolon rioyəti, ımsornə bəsic haftədə 3 həzo məxsus bərnaməon Qilon ostanədə dəvoniyey bəbe.
Bə İrib raporti əsos, Qiloni Sepah təşkilati fərmondə tojədən jurnaliston cəmədəd ımsornə sori bəsic haftə şurari "bəsic çı milləti coni i poə" bəyonış karde və votışe: hıminə haftə mıddətədə 3 həzo bərnomə və mərosim Qilonədə bərpo bəbe ki çəvon dəvoniyeyro səhiyyəvi protokolon diğğət və rioyət bəkamon.
Qeneral Muhəmməd Əbdullhpur əlovəş karde: bə ehtiyocinə şəxson 41 qılə kə təğdim karde, bə şəhidon iyən çəvon ailə ehtıron noe və bə şəhidon xidmətəkəyonku ğədrdonəti karde həminə bərnamonku i baxşe.
Əv işorəş karde ki Qilonədə həm de İroni həmzəman bəsicion iğtidori hərbi təlim bərpo bəbe iyən izofəş karde: ın manevrədə qırd çı Qiloni bəsicion iştirok peydo bəkan.
Qiloni Sepah təşkilati fərmondə bəsic təşkilati təhəvvol plani icra kardey barədə İroni Yolə Rəhbəri muvafiğətiku xəbəş do və votışe: ın plani çərçivədə və 10 sori mıddətədə bəsic təşkilat vey muasir bəbe iyən de elmi inkişofi pidəşe 8 tosə 10 milyon tojə məhorətinə cıvoni tərbiyə ko.