Dionədə kə duteyro 200 milyon tımən kredit.

Rəştədə İroni islomi inğilobi kə soxte fondi rəis votışe: dionədə bo har 1 qılə kə duteyro 200 milyon tımən kredit ixtisos peydo bəkay.

Bə Qiloni Tele-Rədio raporti əsos,Qiloni kə soxte fondi tojə rəisi elan kardey mərosimədə İroni islomi inğilobi kə soxte fondi rəis Əkbər Nikzod ın xəbə elani kənoədə votışe: divujon karde bəznın ın kam faizə krediti tosə 20 sori mıddət səbəro kon.

Əv əlovəş karde: İroni islomi inğilobi kə soxte fondi ko ıme ki har sor təğribən 250 həzo qılə kə bo divujon bısoxti iyən de zumandə kəon dute pidəmone tosə omə sori oxo dionəd bıə həmməy kəon zəlzələ vədə ğoym kəmon boçi ki bə kəon mıhkəm nıbey xoto dionədə xıdo nıkarde 1 nəfəri marde həm ğəbul kardənin ni.

Əkbər Nikzod votışe: əqə dionədə umumi xidməton əcumlə mınosibə kə dute çok çoki əncom bıbu divujon iğtisodədə həm rovnəğ iyən zumandəti şoyd bəbemon.

İroni islomi inğilobi kə soxte fondi rəis bumi zəminonku muhafizə karde jintonədə bə Qilonədə turizm sənaye inkişofi həm təkidış karde.