Avropa kişvəron atom muzakirədə sanksiyaon ləğv karde pidəşon ni.

Əsolımi cumə imom votışe: atom muzakirəonədə bıə ğərbi kişvəron çı əsli hədəf yəni sanksiyaon peqəte pidə nin və fəğət de muzakirə cərəyoni məğlub kardey vositə bə Amerkə hədəfon əməli bey fik kardən.

Bə Mehr aqentiyəti raporti əsos, hucətul islom vəl muslemin Cəvad Bağıri zivə və Əsolım Tolışə şəhri cumə nımoji xutbəonədə, Həzrəte Zeynəb(s) milad iyən tib dodoon ruji təbrik vote kənoədə ə bozorqvarə Xanımi fəzilət, məənəvi iyən elmi vırəku bə Kərbəlo xuninə hodisə və Aşura ğiyomi mesaji vığandey qıvoninə ko işorəş karde ki bə Zeynəbe Kobra(s) ohdə be.

Əsolımi cumə imom xutbə dəvomədə çı Viyana atom tojə dıvrə muzarirəon barədə izhorış karde: ğərbi muzakirə kardə kəson de cur bə curə bəhonəon vositə sanksiyaon peqəteyku imtino kardeydən ki ın çı Amerkə tələb iyən siyosəte.

Əv votışe: de Co Bayden rəhbərəti bıə Amerkə, əmələdə İroni vaxti bə hədərə doeış pidə ta de kırtə mıddətədə bıə sazişi vositə ıştə bevəcə sima və obrazi pok ko.

hucətul islom vəl muslemin Cəvad Bağıri əlovəş karde ki Amerkə peymon darşiyey vədə əmmo İron fəğət de sanksiyaon peqətey vositə ijən təvafuğ bəkarde.