Kaspi dıyoku 600 ton moy qətə bəy.

Əzizon Kaspi dıyoədə moy qəte və səyyodəti fəsl, har sor Mehr manqi 20 minnə rujiku bino bəbe və tosə omə sori Fərvərdini 15 dəvom kardeydə.

Sıpi, Kəfol, Sim iyən Suf əcumlə çı Kaspi dıyo moyonku bə hisob omeydə ki ımsornə səyyodəti fəslədə həm Qilonıjə səyyodon əvoni qəteydən.

Tojə xəbə ıme ki Qiloni moyəvonon tosə bə ısət Kaspi dıyoku 600 ton muxtəlif moy qətəşone.

Qiloni moyəvonəti idorə yol de ın xəbə elani votışe: Qiloni səyyodon Mehr manqi 20 minnə rujiku iyən səyyodəti fəsli bino beyku tosə bə ısət ın miğdor moy qətətəşone ki dəvardə sori muğaisədə 38 faiz inkişofi nışo doydə.

Əzim Mudəbberi səyyodətiku ımsor bə moyəvonon aid bıə bəromə miğdori 600 milyord tımən bəyonış karde ki vey bərəkətinə məsələy.

Ğeyd kəmon ki de səyyodon fəaliyəti bino bey həmzəman, 20 həzo nəfər Qilonıji bə moyəvonəti vabəstə bıə muxtəlif koonədə həmə rovnəğ icod bıə.

Qilonədə təğribən 4 həzo səyyod bə moyəvonəti məşğulin.