Şəhid Suleymani şəhodət, dınyoədə aqahəti mesaji pevıloş karde.

Əzizon, omə haftə Dey manqi 13 İroni Sepahe Ğuds təşkiloti nakonə fərmondə iyən dılon sərdor, Şəhid Hac Ğasim Suleymani şəhodəti 2 minnə sorəqardışe.

Bə həminə mınosibəti xoto, Qiloni ostandar zinə qıləy məxsus iclosədə və de həmməy təşkiloton həmkarəti vositə, isor iyən şəhodəti barədə mıhtəvoon tərvic kardeyku bənə qıləy muhimmə koy elanış karde.

Bə İRİB raporti əsos, Əsədullah Əbbosi ım iclosədə şəhid Hac Ğasim Suleymaniş çı inğilobi fikon və çokə əxloği ulqu bə hisobış varde ki çəy şəhodət əvış İron iyən dınyo milləton dılədə əbədi surəti bəji oqəte bois bıə.

Əv təkidış karde ki çı Şəhid Suleymani sirə və jimoni metod bəpe iştimaiyətədə təbliğ bıbu boçi ki əv çı islami muğaveməti simvol be ki çəy şəhodət İroni ideoloqiya həx bey nışoş do.

Ğeyd kəmon ki ımsor və de Şəhid Suleymani şəhodəti 2 minnə sorəqardışi həmzəmon Qilon ostanədə çandə çəvon num məlum nıbıə şəhidon təşii mərosim həm de Fatemiyə əyyomi bərobər əncom bəbe.

İroni Sepahe Ğuds ğıvvon fərmondə, qeneral Ğasim Suleymani 2sor çimi bənav de İraği rəsmi şəxson dəvəti bə ım məmləkət səfərış kardə be ki, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi bə şəhodət rəsə.