Qilonədə Fatemi (s) şəhidi xoşə ətrəbu.(+video)

Maştə və de Xanım Həzrəte Zəhra(s) şəhodətə ruji həmzəman, Rəşt iyən Siyahkələdə 8 qılə nomışon məlum nıbıə şəhidon təşi mərosim bərp bəbe, ın şəhidon pokə bədəni tojədən 8 sornə muğəddəsə mudafiyə canq məntəğəonku peydo kardəşone.

Bə Giloni muğəddəsə mudafiyə əsəron muhafizə iyən nəşr əkə muəssisə elani əsos, ın şəhidon pişvoz mərosim maştə de Xanım Həzrəte Fatemə(s) şəhodətə ruji həmzəman Rəştədə əncom bəbe və peşo 2 qılə şəhidi pokə bədəni bə Siyahkək bəvığandın ta de milləti iştiroki təşi kardey bəpeşt bəpeşt əyo dəkandə bıbun.

6 qılə şəhidi həm Rəştədə dəbəkandın ki dəkandə vırəonku qıləyni Rəşti Pəyame Nur nomo universetədəy.

Bə palkovnik Mustəfapuri votəyon əsos, tojə peydo bıə şəhidon sin 17 tosə 25 bəbe ki İroni cənubədə bıə Zivəran məntəğədə şəhid bıən.

Zinə şəv iyən de ın şəhidon iştiroki Qilon ostani çandə şəhronədə məxsus mənəvi mərosimon dəvoniyə bəy ki ım şanqo Rəştədə həm dəvom kardeydə.