Qilonədə Fatemi(s) əzo hol-həvo.

Həmzəman de Xanım Həzrəte Zəhra(s) şəhodəti matəmə ruji, zinə şəviku Qiloni muxtəlif vırəon xususi Tolışə məntəğəonədə əzo mərosimon bino bıə ki ımruj həm dəvom kardeydə.

Masal Tolışə şəhri şohəda Huseyniyəku xəbə omə ki zinə şəv və de Həzrəte Zəhra(s) şəhodətə şəvi həmzəman əzo mərosim bənə Fatemiyə əyyomi oxonə şəvi de Tolışə cıvonon iştiroki bərpo bıə, ımruj həm Masalədə cəmaət ın şəhri məçid cameədə əzodorəti bəkan.

Əmmo ımruj və bə Xanım Fatemry Zəhra(s) şəhodətə ruji xoto Qilonıjon çı Rəşt və Siyahkələdə 8 qılə nomışon məlum nıbə şəhidi təşi kardışone.

Bə Qiloni muğəddəsə mudafiyə əsəron muhafizə iyən nəşr əkə muəssisə elani əsos, tojə peydo bıə şəhidon sin 17 tosə 25 bəbe ki İroni cənubədə bıə Zivəran məntəğədə şəhid bıən.

Zinə şəv iyən de ın şəhidon iştiroki və Xanım Həzrəte Zəhra(s) şəhodətə şəvi həmzəman, mərosimoni Rəştədə dəvoniyə bıə.

Imruj sıb həm Rəşti mosəlloədə Fatemiyə matəmə əyyomi əzo mərosimon de rəsmi şəxson iyən umum iştimoiyəti iştiroki bərpo be.

Qiloni şəhid və veteranon idorə yolon həm həminə əyyomədə bə şəhidon ailəon osə ğandışone.