Fəcri da rujonədə Rizvonşərədə 53 qılə ovdon əkə plani istismor.

Əzizə əməson təğribən 3 haftə bə İroni islomi inğilobi səbarzəti sorəqardışi mandəy, xəbə omə ki bə həminə mınosibəti xoto Rizvonşəhri Tolışə şəhri fərmondar elanış kardə ki Fəcri da rujonədə 53 qılə obod əkə plan ın şəhrədə bə istismor bərəse.

Bə İRİB raporti əsos, Fəcri mıborəkə da rujon yol qəte məxsusə iclosədə, Rizvonşəhri Tolışə şəhri fərmondar votışe: ımsor bə İslamiyə İnğilobi səbarzəti xoto iyən fəcri da rujonədə ım şəhrıstonədə 53 qılə obod əkə plan de 620 milyard riyol budcə co karde bə istismor bərəse.

Məhmud Ğasımi planon veyni ko icodəkə çərçivədə bə hisobış varde iyən əlovəş karde: de ım planon bə istismor rosniye vositə sərost iyən mıstəğim bo 190 nəfər ko icod bəbe.

Əv həmçınin votışe: planon, istehsol, kaştemon, moləvonəti, ruşnə və elekterik, şəhri obod əkə planon, bə ehtiyocinə şəxson kə doe, ov kanalizasiya sistemon islah və tojə karde, texnoloqiya və kaminikasiya iyən damon və səhiyyəvi baxşon şomil bıdə.

Bəhmənə manqi 22 minnə ruj, İroni islamiyə inğilobi səbarzəti 43 minnə sorəqardış ğeyd bıə ki bə həminə mınosibəti xoto Fəcri 10 rujon məxsusə mərosimon dəvoniye bəbe.