Qiloni noxəşxonəonədə 66 nəfər Korona tojə noxəşi oloxtoniyəşone.

Xosə tolışon, Qilon ostanədə həm Omikron modılş bıə Koronavirus de şidəətin bino bıə və hətto ostani bəzi şəhron ranqi əvəzış kardə.

Tojədən Qiloni səhiyyə və damon idorə ın ostanədə Korona noxəşon miğdori bə 192 nəfər rəseyku xəbəş do.

Bə İRİB raporti əsos dəvardə 24 saəti mıddətədə 66 nəfər Koronavirusi noxəş bə Qiloni nəxəşxonəonədə bıə nakonə Korona qətə kəson izofə bin.

Qiloni tib elmon universiti sıxənəvot bə Qilonədə Koronavirusi noxəşon miğdori ziod iyən 6 minnə pik və pandemik şəroyeti bino bey işorəş karde iyən votışe: ostani noxəşxonəonədə 31 nəfər mıbtəlo bıə bədholə noxəşi həm xususi oqətə vırəonədə oloxtoniyəşone.

Doktor Fərdin Mehrabiyan bə səhiyyəvi protokolon rioyəti zəruriyyati işorə iyən təkid kardışe: tojədən 8 nəfər korona noxəşi bə reanimasiya baxşi bardəşone.

Qiloni tib elmon universiti sıxənəvot ijən işorəş karde ki Koronavirusi 6 minnə pandemik vəziyət de Omikroni şiddəti ziyod bey vositə Qilon ostanədə dəvom kardeydə ki çəy vəy qəteyro cəmaət bəpe səhiyyəvi protokolon rioyət kon həmçenin vaksinasiya ciddi surəti əncom bıdən.

Bə oxonə raporti əsos iyən de Qilonədə Omikron modılış bıə Koronavirusi rəvoc bey həmzəman, Ostoro və Rizvonşəhri ranq havziku bə zard əvəz bıə.