Qilonədə boğəvonətiku xoşə xəbəon.

Əzizə tolışon dəvardə rujonədə 2 qılə xoşə xəbə çı Qiloni boğəvonəti fəaliyətonku pevılo bə.

Əvəl ım ki de Qiloni ditəsərrufat idorə zəhməti, ostanədə kivi təhğiğiyə mərkəz Ostoroədə soxte bəbe.

Bə Qilon ostani Tele-Rədio sayti raporti əsos, Qiloni ditəsərrufat idorə muavin həminə xəbə bəyonış karde və votışe: İronədə ın i minnə kərə heste ki kivi təhğiği mərkəz icod bəbe.

Əli Musəvi bə xarıci ticorətədə kivi məhsuli əhəmmiyəti işorə və təkidış karde: ın təhğiği mərkəz de 10 milyord dollar budcə vositə Ostoroədə soxtey bəbe.

Əv həmçenin votışe: İroni prezidenti bə Qilon səfər kardey cərəyonədə 50 milyord tımən budcə həm ostanədə boğəvonəti fəoliyəti inkişofiro ixtisos doə bəy.

Əmmo coqılə xoşə xəbə həm ıme ki Ağaye Rəisi bərəkətinə səfəri nəticədə 75 milyord tımən budcə həm çayə boğon obdon kardeyro co kardə bəy.

In xəbə çı Qiloni çay idorə yol elanış kardə.

Həbib Cəhansaz tojədən bə Qiloni Tele-Rədio jurnalisti votışe: de diğğət bə çay istehsolədə bıə qiloni barzə vırə, ın budcə hukmən karde bəzne boğəvononro rovnəği bois bıbu.