Rəştədə Fəcri kino festivol.
Xosə həmzıvonon, Bəhmənə manqi 16 minnə rujədə bıə Fəcri 10 rujonku məxsusə mərosimon Qilonədə dəvom kardeydə iyən xəbə omə ki zinə rujiku Rəştədə Fəcri kino 40 minnə dıvrə festivol bino be.
Bə İrna raporti əsos, Qilonədə ımsornə sori Fəcri kino festivolədə filmon nışo doe cərəyonədə 17 qılə tojə film bə umum ictimaiyəti nımoyeş doe bıdə.
2 sor çı Koronavirusi pandemik şiddətinə şərayeti bəpeşt, ımsonnə sori Fəcri kino festivolədə millət xususi qilonıjon iştirok, odəmi diğğəti bəştə tərəf cəlb kardeydə.
Qiloni islomi mədəniyət və irşod idorə həm tojədən həminə əsəron nımoyeş doe cərəyonədə bə səhiyəvi protokolon tam rioyət bey zəruriyati təkidış karde.
In irorə yol, Rıza Seğəti həm Fəcri kino festivali kənoədə bə Qilonədə həmzəman Fəcri musiği, teatr və vizoal hınəon festivali dəvoniye işorəş karde və votışe: Qilonıjə hınə soybon və bə hınə aşiğ bıə kəson ımsor İroni İslomi İnğilobi səbarzəti 43 minnə sorəğardışi məxsus bərnomonədə ijən ıştəniku barzə obrazi nışo bədan.
Bə İroni İslomi İnğilobi səbarzəti 43 minnə sorəqardışi xoto Qilonədə Fəcri 10 rujonədə bıə məxsusə mərosimon de obdonəkə plan-layihəon bə istismor rosniye və mədəni bərnamon bərpo kardey dəvom kardedə.
Hicri şəmsi 1357 minnə sori Bəhmənə manqi 12 ədə İroni İslomi İnğilobi təsisəkə İmom Xomeyni(r) 14 sor vətəniku dər bə dər bey bəpeşt bə İron varid be; peşo 10 ruj bədiqə yəni Bəhmənə manqi 22 minnə rujədə İroni milləti islomi İnğilobi səbarz be.
Isət 43 sor ın İnğilobiku dəvardeydə.