Qiloni noxəşxonəonədə 191 nəfər koronavirusi tojə noxəşi oloxtoniyəşone.

Xosə həmzıvonon, Qilon ostanədə 622 nəfər şahrvandi bə korona mıbtəlo bey xoto, noxəşxonəonədə oloxtoniyəşone.

Bə Qiloni Tele-Rədio aqentiyəti raporti əsos, Qiloni tib elmon universiti sıxənəvot votışe: dəvardə 24 saəti mıddətədə, de 191 nəfəri bə korona mıbtəlo bıə tojə noxəşi oloxtoniye vositə, halihazerədə Qiloni ostanədə bə korona mıbtəlo bıə kəson miğdor bə 622 nəfər rəsə ki 91 nəfər çəvonku vey bədholin.

Doktor Fərdin Mehrabiyan de işorə bə ım ki həminə mıddətədə 21 nəfər tojə noxəşi bə reanimasiya baxşi bardəşone, əlovəş karde: halihazerədə 103 nəfər noxəşi, çı Qiloni noxəşxonəon xususi oqətə vırəonədə oloxtoniyəşone.

Əv de işorə bə hırdənon vaksinasiya bino bey  votışe: Bəhmənə manqi 20 minnə rujiku hrdənoni ki 5 soriku vey sınnışone, vaksin jey karde bəznen və Ostani vaksinasiya mərkəzonədə 2 qılə vaksin sinofarm və pastokovok nomo bıə vaksinon, bə  hırdənon ixtisos peydo kardəşe.

Qiloni tib elmon universiti sıxənəvot ijən votışe: ımruj Qilonədə 464 vaksinasiya mərkəz əctive və həmçınin Rəştədə 215 mərkəz bə şahrvandon xıdmət kardedən.

Doktor Fərdin Mehrabiyan  bə Qilonədə korona mıbtəlo bıə kəson miğdori  əlovə bey xoto, şahrvandonku tələbış kardə ki ıştə vaksini bıjənon iyən əqə sərdqıniyey nışonəon vindən, bə həkim mırocıə kon.

Həmçınin de lozimə koon əncom doe vositə ım virusi bə co şəxson ovaştey vəy bıqəton.