Sanksiya şəroyetədə, Qiloniku 557 milyon dollar ixracat.
Koronavirus İyən anti İron sanksiyaon əmələn İroni ticorət və iğtisodi fəaliyəton vədə bənə təhdid-məhdudiyəti ğeyd karde bəbe, əmmo tojə statestikaon nışo doydə ki de tədbiron və çokə bərnamon vositə İroni reytinq və vırə həminə baxşədə bə inkişofi tərəf hərəkət kardeydə.
Xəbə omə ki, ımsornə sori əvvəliku tosə bə ısət, 557 milyon dollar, ğeyri nat əmtəə və məhsulon Qiloniku bə hamsuyə kişvəron tərəf ixrac və sadir bıə ki ım miğdor dəvardə sori muğaisədə 7 faiz vey beyku hikoyət kardedə.
Bə Qiloni Tele-Rədio aqentiyəti sayti raporti əsos, ın ostani ixracati bə inkişof rəsosniye iclosədə, Qiloni sənaye, ticorət və məədən idorə yol, votışe: ımsorə sori əvvəliku tosə bə ısət, 557 milyon dollar, ğeyri nat əmtəə iyən məhsul bə hamsuyə kişvəron ixrac bıə və proqonoz bıdə ki tosə sori oxo ım miğdor bə 720 milyon dollar bırəsi.
Fərhad Dəlğpuş ijən əlovəş kardə: ım əmtəə və məhsulon veyni bə Rusiyə, Azərbaycan Respublika, Ğəzaxıston, Qurcıston, Əfğanıston, İrağ, Okrayna, Tırkmənıston və Belarus kişvəron vığandə bıən.
Qiloni sənaye, ticorət və məədən idorə yol həmçınin çı Reqional vujuri bə dast vardeyro bə ticori ko muhit şərayeti çok bey təkidış kardə.