Qilon ostani noxəşxonəonədə, 701 nəfər bə Korona mıbtəlo bıə noxəşon oloxtoniyəşone.
Feb 22, 2022 05:47 Asia/Tehran
Mehribonon, de Koronavirusi milodi sorəqardışi həmzəman, xəbə omə ki Qilon ostani noxəşxonəonədə 171 nəfər tojə Korona noxəşi oloxtoniyəşone.
Bə Qiloni Tele-Rədio aqentiyəti raporti əsos, Qiloni tib elmon universiti sıxənəvot votışe: ımruj de 701 nəfər bə Korona virusi mıbtəlo bıə noxəşi oloxtoniye vositə Qilon ostan vey bevəc və behroninə şəroyetədə ğəror qətəşe.
Fərdin Mehrabiyan əlovəş karde: dəvardə 24 saəti mıddətədə, Qiloni noxəşxonəonədə 171 nəfər bə Korona mıbtəlo bıə kəson miğdor əlovə bıə ki ım miğdoriku 129 nəfər noxəşi hol-əhvol çok ni.
Qiloni tib elmon universiti sıxənəvot həmçınin votışe: Ostanədə 419 qılə, iyən Rəştədə 212 qılə mərkəz, vaksinasiya əncom doeyro bə ko kardey məşğulin.