Qilonədə "Movud" nomo bıə ədəbiyə festival.

Mehribonə əməson, de diğğət bə Şəbanə manqi nimədə bıə Həzrəte İmom Zəmon(əc)-i milad ruji, ğərore ki vey icloson və bərnamon Qilon ostanədə həm bərpo bıbu və xəbə omə ki bo həminə mərosimon dəvoniyeyro koon əncom bey holədəy.

Im bərnamonku qıləyni Esfəndə manqi 12, Fumənədə, "Movud" nomo bıə ədəbiyə iclos heste ki de məşhurə hınə soybon dəvoniye bəbe.

Bə Qiloni Tele-Rədio aqentiyəti raporti əsos, Fuməni islamiyə mədəniyət və irşod idorə yol votışe: Seyeduş-Şuhəda hınə və mədəniyə binaədə, çı Munci festivoli 2 minnə dıvrə çərçivədə bıə "Movud" nomo ədəbiyə iclos de məzhəbi ədəbiyoti hınə soybon iştiroki bərpo bəbe.

Yusuf Nikəncom həminə ədəbiyə iclosədə nəzər dəqətə bıə bərnamonış: məhdəviyət və Şəbanə manqi 15 minnə ruji fəlsəfə  bəyon kardey, xəttoti iyən rəssoməti nımoyeşqo dəvoniyey elan və əlovəş karde: həminə fəaliyəton de Qiloni məşhurə şəxsiyəton iyən hınə soybon həmçenin ğeyri dıvləti təşkilaton komək və iştiroki bərpo bəbe.

Cımə, Martə manqi 4, Ğəməri təğvimədə çı Şəbanə manqi 1 minnə ruj ğeyd bıə.